''काही कामाचे नाही'' म्हणून लोकांनी 'ती' रोपं फेकून दिली, साताऱ्याच्या ऋषिकेशने स्वत:च्या शेतात लावली, आता करतोय ३.५ कोटींची कमाई

मुंबई : आधुनिक तंत्रज्ञान आणि नाविन्यपूर्ण विचारांचा वापर करून अनेक तरुण शेतकरी शेतीतून मोठे उत्पन्न मिळवत आहेत. शिक्षण पूर्ण झाल्यानंतर नोकरीच्या मागे धावण्याऐवजी शेतीकडे वळणाऱ्या युवकांची संख्या महाराष्ट्रात वाढताना दिसत आहे. सातारा जिल्ह्यातील एका तरुण शेतकऱ्यानेही असाच धाडसी निर्णय घेत पारंपरिक पिकांना बाजूला ठेवून कोरफड लागवडीचा मार्ग स्वीकारला आणि आज त्याच निर्णयामुळे तो कोट्यवधी रुपयांची उलाढाल करणारा उद्योजक बनला आहे.