Soyabean Rate : सोयाबीनच्या दरात मोठी वाढ, लवकरच 5000 होणार का? व्यापाऱ्यांनी सांगितली महत्त्वाची माहिती

जालना : राज्यामध्ये 15 नोव्हेंबरपासून नाफेड मार्फत हमीभावाने सोयाबीनची खरेदी सुरू होणार आहे. यामुळे बाजार समित्यांमध्ये सोयाबीनच्या आवकमध्ये घट होत असल्याचं पाहायला मिळत आहे. याचाच परिणाम म्हणून सोयाबीनच्या दरामध्ये सुधारणा होत असल्याचं पाहायला मिळतंय. जालना शहरामध्ये 13 नोव्हेंबर रोजी सोयाबीनला 4600 रुपये एवढा हंगामातील उच्चांकी दर मिळाला. पाहुयात आगामी काळामध्ये सोयाबीन दराची स्थिती कशी असेल.

सोयाबीनमधील ओलावा कमी झाला असून यामुळे देखील दरावर परिणाम होत आहे. बीज तयार करणाऱ्या कंपन्या सोयाबीन खरेदी करत असून बीज क्वालिटीचे सोयाबीन पाच हजार ते सहा हजार रुपये क्विंटलने विक्री होत आहे. बाजारामध्ये दररोज दहा ते बारा हजार क्विंटलची आवक येत आहे. हीच आवक दिवाळी आधी 30,000 क्विंटल पर्यंत पोहोचली होती.