Agriculture News : साडेतीन लाख केला खर्च पण उत्पन्न निघणे कठीण, झेंडू उत्पादक शेतकरी हवालदील

शिरोडी खुर्द येथे उद्धव घुमे आठ वर्षांपूर्वी पारंपरिक पद्धतीची शेती करत होते. मात्र या शेतीमध्ये आर्थिक बजेट कोलमडून जात असे, त्यामुळे वेगळं काहीतरी नवीन करायचं त्यांनी ठरवलं आणि फुलशेतीकडे वळाले. यापूर्वी फुलशेतीत चांगला नफा मिळाला, मात्र यंदा लागवड क्षेत्र जास्त झालं, त्याचा परिणाम फुलांच्या भावावर झाला आणि त्यामुळे उत्पन्न कमी मिळण्याची शक्यता वाढली. तसेच फुलांच्या व्यवसायामध्ये मुस्लिम समाज जास्त अग्रेसर आहे, मात्र सध्याचा महिना रमजान उपवासाचा असल्यामुळे बऱ्याच व्यापाऱ्यांनी कामाला सुट्टी दिली आहे. परिणामी बाजारामध्ये फुलांची आवक वाढत आहे.