Gold Price Today : गुढीपाडव्याआधी ग्राहकांना दिलासा! सोनं-चांदीच्या दरात घसरण, आजचे भाव काय?

सोने व्यावसायिक सुरेश चौधरी यांनी सांगितले की, युद्धाच्या पार्श्वभूमीवर सोने आणि चांदीच्या दरांमध्ये मोठी चढ-उतार पाहायला मिळाली. युद्ध सुरू होण्यापूर्वी 24 कॅरेट सोन्याचा दर साधारण एक लाख 58 ते 59 हजार रुपयांच्या आसपास होता. मात्र तणाव वाढल्यानंतर सोन्याच्या दरात जवळपास 7 ते 8 हजार रुपयांची वाढ झाली आणि तो एक लाख 68 हजार रुपयांपर्यंत पोहोचला. चांदीच्या दरातही मोठी वाढ झाली होती. चांदी सुमारे दोन लाख 70 हजार रुपये किलोच्या आसपास होती, ती काही दिवसांत तीन लाखांच्या जवळपास पोहोचली होती. मात्र गेल्या काही दिवसांपासून सोने आणि चांदीच्या दरांमध्ये पुन्हा काही प्रमाणात घसरण पाहायला मिळत आहे.