शेतीत आधुनिक दृष्टिकोन
गोविंद चव्हाण याने पारंपरिक शेतीसोबतच व्यावसायिक दृष्टिकोन ठेवत गुलाब उत्पादनाला अधिक महत्त्व दिले. सुरुवातीच्या टप्प्यात गुलाब लागवडीसाठी योग्य माती, खत व्यवस्थापन, सिंचन पद्धती आणि बाजारपेठेतील मागणी याचा सखोल अभ्यास केला. त्याने ठिबक सिंचन तंत्रज्ञानाचा अवलंब करून पाण्याची बचत करत उच्च प्रतीचे गुलाब उत्पादन सुरू केले. त्यामुळे, त्याची शेती अधिक फायदेशीर ठरली.
advertisement
गुलाब उत्पादनातील वाढती मागणी
गेल्या दोन वर्षांपासून गोविंद चव्हाण सातत्याने गुलाब शेतीतून उत्पन्न घेत आहे. सध्या त्याच्याकडे एकूण दोन एकर शेती आहे. त्यापैकी एक एकर क्षेत्र गुलाब लागवडीसाठी वापरले जाते तर उर्वरित एक एकर पारंपरिक पिकांसाठी राखीव ठेवले आहे. गुलाब फुलांना बाजारात मोठ्या प्रमाणात मागणी असल्याने त्याला चांगला दर मिळतो. विशेषतः, हॉटेल, मंदिरे, विवाह समारंभ आणि पूजाविधींसाठी गुलाबाची मागणी वाढत आहे.
वर्षाला 6 ते 7 लाख रुपयांचा नफा
गुलाब शेतीतून गोविंद चव्हाण याला वार्षिक 6 ते 7 लाख रुपयांचा निव्वळ नफा मिळतो. व्यावसायिक दृष्टिकोन ठेवून त्याने बाजारपेठेतील मागणी लक्षात घेत विविध हंगामांमध्ये गुलाब उत्पादन वाढवले आहे. कमी खर्चात अधिक नफा मिळवण्यासाठी त्यांनी आधुनिक पद्धतींचा अवलंब केला आहे. त्यामुळे पारंपरिक शेतीपेक्षा गुलाब शेती त्याच्यासाठी अधिक फायदेशीर ठरली आहे.
तरुण शेतकऱ्यांसाठी प्रेरणादायी उदाहरण
गोविंद चव्हाण याचा हा प्रयोग इतर तरुण शेतकऱ्यांसाठी प्रेरणादायी ठरत आहे. त्याने शिक्षण घेत असतानाच शेतीमध्ये नवे प्रयोग करून आधुनिक तंत्रज्ञानाचा वापर केला आहे. कमी जागेत अधिक उत्पादन घेत व्यावसायिक दृष्टिकोन ठेवल्यास शेतीतून चांगले उत्पन्न मिळू शकते हे त्याने आपल्या यशस्वी प्रयोगातून सिद्ध केले आहे. अशा प्रकारच्या प्रयोगशील शेतीमुळे पारंपरिक शेतीकडे दुर्लक्ष न करता तरुणांना नव्या संधी उपलब्ध होत आहेत.