TRENDING:
प्री मान्सून या लसीकरणाला सुरुवात झाली असून यामध्ये गाय वर्गीय जनावरे असतील तर त्यांना लंपी, म्हैस वर्गीयसाठी घटसर्पाची लस, दोन ते तीन वर्षांचे गोऱ्ह्यांना डीक्यू, शेळी वर्गीयसाठी इटीव्हीची लस टोचून घ्यायला हवी. तसेच मेंढ्यांसाठी सीपॉक्स ही लस टोचावी. पोल्ट्रीमध्ये लासोट आणि दुसरी फौल पॉक्स या लसी पशुपालक शेतकऱ्यांनी आपल्या पशूंना टोचून घ्याव्यात. यामुळे पशु आजारी पडणार नाही, असे विभागाच्या अधिकाऱ्यांनी सांगितले आहे.
advertisement
Health tips: पॅकेटमधलं दूध कसं प्यावं? उकळून पिणे योग्य की अयोग्य? तज्ज्ञांनी दिला महत्त्वाचा सल्ला
महाराष्ट्र शासन पशुसंवर्धन विभाग आणि छत्रपती संभाजीनगर पशुसंवर्धन विभाग यांच्या संयुक्त विद्यमानाने पावसाळ्यापूर्वी पशु आणि जनावरे आजारी पडू नये म्हणून प्री मान्सून या लसीकरणाची मोहीम राबविण्यात येत आहे. या मोहिमेचा फायदा जिल्ह्यातील सर्व शेतकऱ्यांनी घ्यावा, असे आवाहन देखील तळेकर यांनी केले आहे. लसीकरण करण्याच्या प्रक्रियेत कोणाला काही अडचण आल्यास नजीकच्या पशुवैद्यकीय दवाखान्याशी संपर्क साधून लसीकरण पूर्ण करू शकता, असे सांगण्यात आले.