पारंपरिक पिकांचा नाद सोडला! शेतात फक्त १५० झाडांची लागवड केली, परदेशात प्रचंड मागणी, शेतकरी करतोय बक्कळ कमाई

मुंबई : जिद्द, मेहनत आणि नवकल्पनांची जोड मिळाली, तर शेतीही सोनं पिकवू शकते, हे अनेकदा सांगितलं जातं; पण राजस्थानच्या सीकर जिल्ह्यातील एका छोट्याशा गावातील शेतकऱ्याने ते प्रत्यक्षात करून दाखवलं आहे. धोड विधानसभा मतदारसंघातील सारवाडी गावात राहणारे शेतकरी भंवरलाल यांनी अपयश, तोटा आणि बाजारपेठेतील फसवणूक यांना न जुमानता शेतीतून यशाची नवी वाट निर्माण केली. कधी आवळा विकायलाही कोणी तयार नव्हतं, आज त्याच आवळ्यापासून लाखोंचं उत्पन्न मिळत आहे. भंवरलाल यांची ही संघर्षातून उभारी घेणारी कहाणी आज देशभरातील शेतकऱ्यांसाठी प्रेरणास्थान ठरत आहे.