TRENDING:
कपाशीच्या दरात किंचित वाढ
कृषी मार्केट वेबसाईटवरील सायंकाळी 6.30 वाजताच्या रिपोर्टनुसार, आज राज्यातील कृषी बाजार समित्यांमध्ये कपाशीची एकूण 15 हजार 313 क्विंटल इतकी आवक झाली. यामध्ये नागपूर मार्केटमध्ये सर्वाधिक 4 हजार क्विंटल कपाशीची आवक नोंदवण्यात आली. नागपूर बाजारात कपाशीला 7700 रुपये प्रतिक्विंटल असा बाजारभाव मिळाला. दरम्यान, वर्धा मार्केटमध्ये कपाशीला आज सर्वाधिक 8200 रुपये प्रतिक्विंटल असा भाव मिळाला. गुरुवारी मिळालेल्या उच्चांकी दराच्या तुलनेत आज कपाशीच्या दरात किंचित वाढ झाल्याचे दिसून येत आहे.
advertisement
उत्पादन वाढवण्यासाठी शेतीत करताय रासायनिक खतांचा वापर, वेळीच व्हा सावध, नाहीतर होतील हे गंभीर परिणाम
कांद्याचेही दर सुधारले
आज राज्यातील कृषी बाजारात कांद्याची एकूण आवक 2 लाख 24 हजार 922 क्विंटल इतकी झाली. यामध्ये नाशिक मार्केटमध्ये लाल कांद्याची 77 हजार 431 क्विंटल इतकी सर्वाधिक आवक झाली. नाशिक बाजारात कांद्याला किमान 519 रुपये तर कमाल 1708 रुपये प्रतिक्विंटल असा बाजारभाव मिळाला. अमरावती मार्केटमध्ये आलेल्या कांद्याला आज सर्वाधिक 2800 रुपये प्रतिक्विंटल असा भाव मिळाला. गुरुवारी मिळालेल्या दरांच्या तुलनेत आज कांद्याच्या दरात सुधारणा झाल्याचे स्पष्ट होत आहे.
सोयाबीनच्या दरात सुधारणा
आज राज्यातील कृषी बाजार समित्यांमध्ये एकूण 52 हजार 696 क्विंटल सोयाबीनची आवक झाली. यामध्ये लातूर मार्केटमध्ये 12 हजार 533 क्विंटल इतकी सर्वाधिक आवक नोंदवण्यात आली. लातूर बाजारात सोयाबीनला किमान 4033 रुपये तर कमाल 5104 रुपये प्रतिक्विंटल असा बाजारभाव मिळाला. तर वाशिम मार्केटमध्ये पिवळ्या सोयाबीनला सर्वाधिक 6200 रुपये प्रतिक्विंटल असा भाव मिळाल्याची नोंद आहे. गुरुवारी मिळालेल्या उच्चांकी दराच्या तुलनेत आज सोयाबीनच्या दरात वाढ झालेली दिसून येत आहे.
तुरीच्या दरात पुन्हा घट
आज राज्यातील कृषी बाजारात तुरीची एकूण 20 हजार 592 क्विंटल इतकी आवक झाली. यामध्ये जालना मार्केटमध्ये पांढऱ्या तुरीची 4 हजार 559 क्विंटल इतकी सर्वाधिक आवक नोंदवण्यात आली. जालना बाजारात तुरीला 5100 ते 7426 रुपये प्रतिक्विंटल असा बाजारभाव मिळाला. तसेच बीड आणि जालना मार्केटमध्ये आलेल्या काळ्या तुरीला आज सर्वाधिक 8000 रुपये प्रतिक्विंटल असा बाजारभाव मिळाला आहे. मात्र, गुरुवारी मिळालेल्या दरांच्या तुलनेत आज तुरीच्या सर्वाधिक दरात पुन्हा घट झाल्याचे चित्र आहे.