TRENDING:
फेब्रुवारीत 'या' 3 राशींनी राहावे सतर्क
वृषभ
फेब्रुवारीच्या सुरुवातीला होणारी माघ पौर्णिमा आणि ग्रहांची स्थिती वृषभ राशीसाठी प्रतिकूल आहे. कामाच्या ठिकाणी विनाकारण वाद होऊ शकतात. विशेषतः आर्थिक गुंतवणुकीत मोठी जोखीम पत्करणे महागात पडू शकते. आरोग्याच्या तक्रारी, प्रामुख्याने पोटाचे विकार किंवा डोळ्यांचे त्रास उद्भवण्याची शक्यता आहे.
घाईत कोणताही निर्णय घेऊ नका आणि कोणाशीही उधार-उस्नवारीचा व्यवहार करू नका.
advertisement
वृश्चिक
मंगळ आणि राहुच्या प्रभावामुळे वृश्चिक राशीच्या लोकांसाठी फेब्रुवारी महिना 'धैर्य आणि संयमाची परीक्षा' घेणारा ठरेल. आत्मविश्वास कमी जाणवेल आणि घेतलेले निर्णय चुकण्याची शक्यता आहे. कुटुंबात मालमत्तेवरून वाद होऊ शकतात. प्रेमसंबंधांमध्ये गैरसमज वाढल्याने तणाव निर्माण होईल. आपल्या बोलण्यावर नियंत्रण ठेवा आणि प्रवासात सावधगिरी बाळगा.
मीन
शनीची साडेसाती आणि ग्रहांची प्रतिकूल स्थिती मीन राशीसाठी मानसिक अशांती निर्माण करू शकते. मेहनतीचे फळ विलंबाने मिळेल, ज्यामुळे नैराश्य येऊ शकते. मुलांच्या भविष्याबद्दल चिंता सतावेल. अचानक उद्भवलेल्या खर्चामुळे तुमचे आर्थिक नियोजन कोलमडून जाईल. नशिबावर अवलंबून राहण्यापेक्षा कर्मावर भर द्या आणि कोणत्याही नवीन कामाची सुरुवात या महिन्यात टाळा.
फेब्रुवारी महिना जरी आव्हानात्मक असला, तरी आचार्यांनी सांगितलेले हे सोपे उपाय आणि तुमची सतर्कता तुम्हाला मोठ्या नुकसानापासून वाचवू शकते. संयम हाच या महिन्यातील तुमचा सर्वात मोठा मंत्र असावा. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)