असा योग पुन्हा नाहीच! फेब्रुवारीत ६ राजयोगांचा 'महासंगम' या ५ राशींचा गोल्डन टाइम होणार सुरू

Published by:Ajit Bhabad

Last Updated:Jan 28, 2026 6:48 AM IST

Astrology News : नवीन महिन्याची सुरुवात म्हटलं की प्रत्येकालाच उत्सुकता लागते. पुढचे दिवस कसे जातील, नशीब साथ देईल का, यश मिळेल का?

मुंबई : नवीन महिन्याची सुरुवात म्हटलं की प्रत्येकालाच उत्सुकता लागते. पुढचे दिवस कसे जातील, नशीब साथ देईल का, यश मिळेल का? फेब्रुवारी 2026 बाबतीत ही उत्सुकता अधिकच वाढलेली आहे. कारण ज्योतिषशास्त्रानुसार हा महिना ग्रहांच्या दृष्टीने अत्यंत महत्त्वाचा ठरणार आहे. फेब्रुवारीत घडणारी ग्रहांची हालचाल तब्बल सहा प्रभावी राजयोगांची निर्मिती करणार असून, त्याचा थेट परिणाम मानवी जीवनावर दिसून येईल. विशेषतः पाच राशींसाठी हा महिना भाग्याचा दरवाजा उघडणारा ठरेल.

फेब्रुवारीत 6 राजयोगांचा प्रभावी संगम

ज्योतिषतज्ज्ञांच्या मते, फेब्रुवारी महिन्यात सूर्य, मंगळ, बुध आणि शुक्र हे ग्रह आपापल्या स्थानात महत्त्वपूर्ण बदल करतील. शनीच्या कुंभ राशीत एकाच वेळी चार ग्रह एकत्र येणार असल्याने लक्ष्मी-नारायण राजयोग, बुधादित्य राजयोग, शुक्रादित्य राजयोग आणि आदित्य-मंगल राजयोग तयार होतील. याशिवाय चंद्राच्या संक्रमणामुळे चतुर्ग्रही आणि पंचग्रही योगही प्रभावी ठरणार आहेत. हे योग संपत्ती, यश, प्रतिष्ठा आणि मानसिक स्थैर्य देणारे मानले जातात.

पाच राशींसाठी भाग्याचा सुवर्णकाळ

फेब्रुवारीत तयार होणाऱ्या या राजयोगांचा प्रभाव जगभर जाणवेल, मात्र पाच राशींसाठी हा काळ अत्यंत लाभदायक ठरणार आहे. या लोकांना करिअरमध्ये मोठी झेप, आर्थिक स्थितीत सुधारणा, प्रेमसंबंधात गोडवा आणि आरोग्याच्या बाबतीत सकारात्मक बदल अनुभवायला मिळू शकतात.

मेष

मेष राशीच्या लोकांसाठी फेब्रुवारी महिना सकारात्मक घडामोडी घेऊन येणार आहे. उत्पन्नाचे नवे स्रोत निर्माण होऊ शकतात. अडकलेली कामे मार्गी लागतील. व्यवसायात चांगला नफा मिळेल, तर नोकरीत पदोन्नती किंवा जबाबदारी वाढू शकते. विद्यार्थ्यांना मेहनतीचे फळ मिळेल. गुंतवणुकीतूनही लाभ होण्याची शक्यता आहे.

वृषभ

वृषभ राशीच्या लोकांसाठी हा महिना कष्टाचे चीज करणारा ठरेल. करिअरमध्ये चांगली संधी मिळू शकते, नवीन नोकरी किंवा बढतीची बातमी कानावर पडू शकते. कौटुंबिक जीवनात आनंदाचे क्षण येतील. प्रेमसंबंध अधिक घट्ट होतील. मात्र आरोग्याकडे दुर्लक्ष करू नका; पुरेशी विश्रांती आवश्यक आहे.

कन्या

कन्या राशीच्या लोकांसाठी हे राजयोग अत्यंत शुभ ठरणार आहेत. विशेषतः कायदेशीर किंवा न्यायालयीन प्रकरणांमध्ये अनुकूल निकाल मिळण्याची शक्यता आहे. व्यवसायात स्थैर्य आणि नफ्यात वाढ होईल. दीर्घकाळ चाललेले प्रयत्न यशस्वी ठरतील. नोकरीच्या शोधात असलेल्यांना चांगली ऑफर मिळू शकते.

धनु

धनु राशीसाठी फेब्रुवारी 2026 प्रगतीचा मार्ग खुला करणारा ठरेल. भविष्यासाठी महत्त्वाच्या आणि फायदेशीर संधी मिळू शकतात. आर्थिक स्थिती मजबूत होईल. घरात आनंदी आणि सकारात्मक वातावरण राहील. अविवाहितांना योग्य जोडीदार भेटण्याची शक्यता आहे. आरोग्यही एकूण चांगले राहील.

कुंभ

कुंभ राशीतच हे राजयोग तयार होत असल्याने या राशीच्या लोकांना सर्वाधिक लाभ मिळणार आहे. आत्मविश्वासात वाढ होईल, समाजात मान-सन्मान मिळेल. आर्थिक लाभ होण्याचे संकेत आहेत. वैवाहिक जीवनात प्रेम आणि समजूतदारपणा वाढेल. एकंदरीत, फेब्रुवारी महिना कुंभ राशीसाठी सर्वच आघाड्यांवर यश देणारा ठरेल.

(सदर बातमी फक्त माहितीकरिता असून न्यूज १८ मराठी कुठलाही दावा करत नाही)

view comments

Location :

Mumbai,Maharashtra

First Published :

Jan 28, 2026 6:48 AM IST

असा योग पुन्हा नाहीच! फेब्रुवारीत ६ राजयोगांचा 'महासंगम' या ५ राशींचा गोल्डन टाइम होणार सुरू