अशी करावी घटस्थापना -
ओल्या मातीचा छोटा चौकोनी ओटा 'वेदी' करून त्यावर एका मातीच्या किंवा सोन्या-चांदीच्या कलशाची स्थापना करून त्यावर देवतेची स्थापना अश्विन शुक्ल प्रतिपदेला करावी हीच घटस्थापना. कलशाखालील ओल्या मातीच्या त्या ओट्यावर नवधान्यांची पेरणी करून रोज थोडे पाणी शिंपडायचे. त्यामुळे त्याला लुसलुशीत कोंब फुटतात. भविष्यातील भरघोस कृषीचे-उत्पन्नाचे हे सूचक प्रसाद चिन्ह. नवरात्रीचे नऊ दिवस या घटावर रोज एकेक माळ-नवदुर्गासाठी सोडायची. हाच नवरात्राचा शुभारंभ आहे.
advertisement
या जन्मतारखांची जोडी अर्ध्यातच मोडू शकते संसार? खूप गोष्टीत जमत असलं तरी..
माता शैलपुत्री देवीचा मंत्र -
वन्दे वाञ्छितलाभाय चन्द्रार्ध-कृत-शेखराम्। वृषारूढां शूलधरां शैलपुत्रीं यशस्विनीम् ॥
आज आश्विन शुक्ल प्रतिपदा. घटस्थापनेचा नवरात्र महोत्सवातील पहिला दिवस. या दिवशी नवरात्र महोत्सवामधील पूजनीय अशा नवदुर्गापैकी पहिल्या दुर्गादेवतेचे शैलपुत्रीचे पूजन करायचे असते. पर्वतराज हिमालयाची कन्या म्हणून हिचे नाव 'शैलपुत्री' पार्वती.
वृषभ (बैल)वाहन(वृषारूढाम् ) असणाऱ्या दुर्गामातेच्या या रुपात उजव्या हातात त्रिशूल आहे (शूलधराम्). डाव्या हातात कमळ आहे. दुर्गामातेच्या मस्तकावर चन्द्रकोर आहे (चन्द्रार्ध - कृत - शेखराम्). माझ्या सर्व इच्छा पूर्ण करण्यासाठी (वाञ्छित-लाभाय ) सदैव यशस्वी असणाऱ्या (यशस्विनीम्) या शैलपुत्रीला- प्रथम दुर्गामाता स्वरूपाला मी भक्तिभावाने प्रणाम करतो (वन्दे). योगी उपासनेचा प्रारंभ आज आपल्या मनाला मूलाधारचक्रात स्थिर करून शैलपुत्री दुर्गामातेच्या पूजनाने करतात. आजची माळ पहिली. आज लावलेला नंदादीप अखंड ठेवायचा, असं ज्योतिषाचार्य पंडित वसंत गाडगीळ सांगतात.
या राशींच्या लोकांना दिवाळी भाग्य उजळवणारी! शनिकृपेनं नोकरी-व्यवसायात लाभाचे योग
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)