हॅचबॅक कार्सना भारतात भरपूर पसंती मिळते. यात कमी किमतीच्या नव्यानं दाखल होणाऱ्या गाड्यांबरोबरच प्रीमियम डिझाइन आणि फीचर्स असलेल्याही भरपूर गाड्या आहेत. यापैकीच एक कार म्हणजे मारुतीची वॅगन-आर. नोव्हेंबरमध्ये ही बेस्ट सेलिंग कार होती. वॅगन-आरची केवळ परवडणारी किंमतच नव्हे, तर तिचं डिझाइन आणि मायलेजही ग्राहकांना आवडतं.
या गाडीची एक्स-शोरूम किंमत 5.54 लाख रुपयांपासून सुरू होते. या गाडीच्या टॉप मॉडेलची किंमत 7.42 लाख रुपयांपर्यंत जाते. ही गाडी घ्यायची असेल आणि बजेट नसेल, तर सेकंड हँड गाडी घेण्याचा एक पर्याय आहे. ऑनलाइन वेबसाइट्सवर या गाडीची अनेक चांगली डील्स मिळू शकतात.
advertisement
(Nexon, Creta आणि Brezzaची स्वप्न पाहणं सोडा, त्याच किंमतीत घ्या नवी XUV कार)
या कारवर सगळ्यात स्वस्त डील OLX च्या वेबसाइटवर मिळतं आहे. तिथे या कारचं 2011 चं मॉडेल नोंदवण्यात आलंय. गाडीचं रजिस्ट्रेशन दिल्लीचं असून, पहिल्याच मालकाची गाडी आहे. विकणाऱ्यानं या कारची किंमत 1.10 लाख रुपये निश्चित केलीय. या खरेदीवर इतर कोणतीही ऑफर मिळणार नाही.
याच गाडीबद्दल DROOM या वेबसाइटवरही एक डील आहे. तिथली गाडीही दिल्लीमध्ये रजिस्टर केलेली आहे आणि गाडीचं मॉडेल 2012 चं आहे. विकणाऱ्याने या गाडीसाठी 1.80 लाख रुपयांची किंमत निश्चित केलीय. विकणाऱ्याने या गाडीच्या विक्रीवर एक फायनान्स ऑफरही देऊ केलीय. या गाडीवरची आणखी एक ऑफर QUIKR या वेबसाइटने दिली आहे. तिथे या कारचं 2014चं मॉडेल रजिस्टर करण्यात आलंय. त्याचं रजिस्ट्रेशन हरियाणातल्या गुरुग्राममधलं आहे. या गाडीची किंमत 2.5 लाख रुपये निश्चित करण्यात आलीय. या गाडीसोबतही फायनान्स योजना मिळणार आहे.
सेकंड हँड कार हा परवडणारा पर्याय असतो. मारुती वॅगन-आरच्या उपलब्ध डील्समधून तुम्हीही तुमचं बजेट व आवडीनुसार एक डील निवडू शकता; मात्र कोणतीही सेकंड हँड गाडी घेण्याआधी ती प्रत्यक्ष एकदा तरी पाहणं व तिची कागदपत्रं तपासणं गरजेचं असतं. यामुळे भविष्यातला धोका टाळणं शक्य होतं.