हे आहेत संशयित आरोपी
रोहित हणमंत शिंदे (वय-23, रा. शाहुनगर, विटा), राजू विठ्ठल हरगुडे (वय-29, रा. विवेकानंद नगर, विटा), विशाल आनंदा चव्हाण (वय-28, रा. नेवरी नाका, विटा) आणि शुभम राजू भागवत (वय-28, रा. विटा) अशी अटक करण्यात आलेल्या संशयितांची नावे आहेत. ही कारवाई रविवार, दिनांक 27 जुलै रोजी सायंकाळच्या सुमारास करण्यात आली.
advertisement
नशेच्या 15 सीलबंद बाटल्या आढळल्या
पोलिसांना मिळालेल्या माहितीनुसार, नेवरी येथील विटा-पुसेसावळी रस्त्यालगत असलेल्या एका पेट्रोल पंपाजवळील बंद पोल्ट्री शेडच्या परिसरात काही तरुण संशयास्पदरीत्या थांबले होते. पोलिसांनी त्या ठिकाणी छापा टाकला असता, संशयित रोहित आणि राजू यांच्या ताब्यातील एका मोटारीमध्ये (एमएच 29 डीएफ 0895) नशेच्या 15 सीलबंद बाटल्या आढळून आल्या. या बाटल्या ते इतर दोन संशयित, विशाल आणि शुभम यांना विकण्यासाठी आणले होते, असे तपासात उघड झाले आहे.
एकूण 10 लाखांचा ऐवज जप्त
या कारवाईत पोलिसांनी 'मेफेंटरमिन सल्फेट' या गुंगीकारक औषधाच्या सुमारे 4 हजार 410 रुपये किमतीच्या 15 बाटल्या, 6 लाख 50 हजार आणि 2 लाख 50 हजार रुपये किमतीच्या दोन मोटारी, तसेच 57 हजार रुपयांचे 4 मोबाईल असा एकूण 10 लाखांपेक्षा जास्त किमतीचा ऐवज जप्त केला आहे.
याप्रकरणी चौघांवर कडेगाव पोलीस ठाण्यात गुन्हा दाखल करण्यात आला आहे. पोलीस निरीक्षक संग्राम शेवाळे, पोलीस उपनिरीक्षक प्रवीण जाधव आणि पोलीस हवालदार अमोल नागर यांच्या नेतृत्वाखालील पथक या प्रकरणाचा अधिक तपास करत आहे. अटक केलेल्या चौघा संशयितांना न्यायालयात हजर केले असता, न्यायालयाने त्यांना बुधवार, दिनांक 30 जुलैपर्यंत पोलीस कोठडी सुनावली आहे.
हे ही वाचा : Satara Crime: अखेर साताऱ्यात 'त्या' टोळीचा गेम ओव्हर! एकूण 23 गुन्ह्यांची झाली उकल, 52 लाखांचं सोनं जप्त!
हे ही वाचा : सातारा एसटी स्टँडवर थरार! भर रस्त्यात नाचवत होता 'नंगी तलवार', पोलिसांनी आवळल्या मुसक्या