TRENDING:
पोलिस तपासात उघड झालेल्या माहितीनुसार, चांद याने अतिककडे दीड लाख रुपयांची रक्कम दिली होती. या पैशांच्या परतफेडीसाठी तो सातत्याने तगादा लावत होता. विशेष म्हणजे, आरोपी अतिक याचे सोमवारी लग्न ठरले होते. पैसे न दिल्यास लग्नसमारंभात जाऊन गोंधळ घालण्याची धमकी चांदने दिल्याने अतिक मानसिक तणावात होता.
70 वर्षाचं वासनांध म्हातारं, शाळेला जाणाऱ्या चिमुकलीला घरी बोलावलं अन्..., बीड हादरलं!
advertisement
लग्नाच्या दिवशी बदनामी होईल, या भीतीने तो अस्वस्थ झाला होता. या तणावातूनच रविवारी रात्री अतिकने चांदला भेटून त्याच्याशी वाद घातला. वाद वाढत गेल्यानंतर अतिकने दगडाने ठेचून चांदची निर्घृण हत्या केल्याचे तपासात समोर आले आहे. विशेष म्हणजे, हत्या होण्यापूर्वी दोघेही दिवसभर एकत्र फिरत होते. त्यांनी एकत्र जेवणही केले होते. त्यानंतर दोघे स्वतंत्र दुचाकींवरून गावाकडे निघाले होते.
दरम्यान, अर्ध्या वाटेत एका हॉटेलजवळ चांदने आपली दुचाकी थांबवून पुतण्याला फोन करून ती घरी नेण्यास सांगितली होती. त्यानंतर तो बेपत्ता झाला. सोमवारी सकाळी शेतशिवारात त्याचा मृतदेह आढळून आला. या घटनेमुळे संपूर्ण परिसरात दहशतीचे वातावरण पसरले होते. घटनेचे गांभीर्य ओळखून स्थानिक गुन्हे शाखेचे पोलिस निरीक्षक शिवाजी बंटेवाड यांनी तपासाची सूत्रे हाती घेतली.
तांत्रिक विश्लेषण, मोबाईल कॉल डिटेल्स आणि गोपनीय माहितीच्या आधारे आरोपी अतिक तांबोळी याला मध्यरात्री बीड शहरातून अटक करण्यात आली. ही कारवाई पोलिस अधीक्षक नवनीत काँवत आणि अपर पोलिस अधीक्षक सचिन पांडकर यांच्या मार्गदर्शनाखाली करण्यात आली असून, स्थानिक गुन्हे शाखेच्या पथकाने उल्लेखनीय कामगिरी बजावली आहे.