फ्लॅट खरेदीसाठी 20 लाखांची मागणी
मिळालेल्या माहितीनुसार पीडित महिला ही अहमदनगरच्या श्रीरामपूर शहरातील मोरगे वस्ती येथील रहिवासी आहे. तिने आपल्या फिर्यादीमध्ये म्हटलं आहे की, पुण्यात फ्लॅट खरेदीसाठी माहेरून 20 लाख रुपये आणण्याची मागणी सासरकडील मंडळींकडून होते. पती, सासू आणि नणंद या पैसे आणत नाही म्हणून शारीरिक आणि मानसिक छळ करतात.
advertisement
पती अमेरिकेतून आला आणि तोही मागणी करू लागला
शहर पोलिसांनी पती शंतनू राजेंद्र गाडे, सासू छाया राजेंद्र गाडे आणि नणंद मयुरी परमानंद शिंदे (रा. गणोरे. ता. अकोले) यांच्याविरुद्ध तक्रार दाखल करून घेतली आहे. पीडित महिलेचा पती अमेरिकेत नोकरी करतो. 2024 मध्ये पीडित महिलेचा विवाह मोठ्या थाटामाटात करण्यात आला होता.
पीडितेच्या भावास लाथाबुक्क्यांनी मारहाण
लग्नानंतर सासून पीडितेच्या स्त्रीधन काढून आपल्या ताब्यात घेतले होते. त्यानंतर खासगी नोकरीचा पगार सासूकडे देण्यास बजावले होते. पती अमेरिकेत गेल्यानंतर सासू आणि नणंद यांनी मानसिक छळ सुरू केला. 'जर सासरी कायमस्वरुपी राहायचं असेल तर माहेरून 20 लाख घेऊन ये', अशी मागणी करत होते. अमेरिकेतून पती ज्यावेळी घरी आला, त्यावेळी त्यानेही हीच मागणी केली. इतकंच नाहीतर तर श्रीरामपूरमध्ये जाऊन विवाहितेचा भाऊ अभय यालाही लाथाबुक्क्यांनी मारहाण केली.
हे ही वाचा : Ratnagiri News: आईचा गळा चिरला, स्वतःच्या हाताची नस कापली, पोटच्या मुलाचं सैतानी कृत्य, पण का?
हे ही वाचा : Nagpur News: आधी गाडीला धडक, मग तलवारीने वार; शेतातील पाण्यावरून पेटला वाद अन् घडला कांड!