Ratnagiri News: आईचा गळा चिरला, स्वतःच्या हाताची नस कापली, पोटच्या मुलाचं सैतानी कृत्य, पण का?

समोर आलेल्या माहितीनुसार पूजा शशिकांत तेली (वय-45, रा. केदारलिंग प्रसन्न बंगला, भवानीमंडपजवळ, शांतीनगर, रत्नागिरी) असे या मृत्यू झालेल्या महिलेचे नाव आहे. तर अनिकेत शशिकांत तेली (वय-25) असे मुख्य आरोपीचे नाव आहे. तर वडिलांना मुंबईत राहणाऱ्या मुलासाठी अनेकांकडून कर्ज काढले होते. त्यात अनिकेतनेही काही ठिकाणांकडून कर्ज काढले होते. तो स्वतःही बेरोजगार होता. कर्जाची रक्कम 1 कोटीपर्यंत होती.

कर्ज देणाऱ्यांनी अनिकेतच्या मागे पैशांसाठी तगादा लावला होता. त्यामुळे कर्जाला कंटाळलेल्या अनिकेतने आईच्या गळ्यावरच सुरीने सपासप वार केले. बेडवर रक्ताच्या थारोळ्या पडलेल्या आईला बघून त्याने स्वतःच्या हाताच्या नसा कापून घेतल्या. रक्तबंबाळ झालेला अनिकेत खालच्या मजल्यावर आला आणि आजीला घडलेला प्रकार सांगितला. आजीने शेजारी राहणाऱ्या दुसऱ्या मुलाला माहिती दिली, त्याने तातडीने पोलिसांना घटनेची माहिती दिली. या कर्जाचा बोजा वाढल्यामुळे 2 महिन्यांपूर्वीच अनिकेच्या वडिलांनी आत्महत्या केलेली होती.