Nagpur News: आधी गाडीला धडक, मग तलवारीने वार; शेतातील पाण्यावरून पेटला वाद अन् घडला कांड!

मिळालेल्या माहितीनुसार लालू आसाराम एकनाथ (वय-46, रा. सरोदी टोली, पारशिवनी) असे जखमी झालेल्या व्यक्तीचे नाव आहे. तर लालू राणू भोयर (वय-35, रा. सरोदी टोली, पालोरा, ता. पारशिवनी) असे आरोपीचे नाव आहे. या दोघांच्यामध्ये महिन्यापासून शेतातील पाणी अडवण्यावरून वाद सुरू होते. भोयरने एकनाथला विचारले की, "त्याचा शेतात येणारे पाणी का अडवितो." यावेळी दोघांच्यात पाण्यावरून वाद झाला. त्यावेळी भोयरने एकनाथला जीवे मारण्याची धमकी दिली. पण नंतर वाद मिटला आणि भांडण संपले.

पण, भोयरच्या मनात एकनाथविषयी राग होता. मंगळवारी सायंकाळी एकनाथ त्याच्या दुचाकीवरून पारशिवनी-सावनेर मार्गाने घरी निघाला होता. त्याचवेळी भोयर आपली कार घेऊन तिथे आला आणि त्यांना एकनाथच्या गाडी जोरात धडक दिली. त्यात एकनाथ खाली पडला. त्यावेळी भोयरने तलवारीने वार केले आणि तिथून पळून गेले.