TRENDING:
नामको बँकेत कागदपत्रांचा फेरफार; सव्वा कोटींचे वाहन कर्ज लाटले
नामको बँकेतून वाहन तारण कर्ज मिळवण्यासाठी बनावट कागदपत्रांचा वापर केल्याचे सहा धक्कादायक प्रकार समोर आले आहेत. मुंबई नाका पोलीस ठाण्यात याप्रकरणी सहा स्वतंत्र गुन्हे दाखल करण्यात आले असून, यात 1 कोटी 9 लाख 47 हजार 370 रुपयांची फसवणूक झाली आहे. तर संशयित आरोपी स्वाती शिंदे, वसीम शेख, सचिन जाधव, संकेत घावटे, जुबेर शेख, गोरक्ष मोरे, रजियाबी शेख, असलम शेख, सुमित फड, उद्धव गवळी, सागर फड, शरद घरटे, मोहित अग्रवाल, निसार अहमद, खंडेराव झनकर, दिनेश शिंदे, गुलाम हैदर, सुनील फटके यांच्यासह इतरांवर गुन्हे दाखल झाले आहेत.
advertisement
नामवंत शाळेत प्रवेश मिळवून देतो सांगून लाखाची लूट
मुलाला नामांकित इंग्रजी शाळेत प्रवेश मिळवून देण्याचे आमिष दाखवून एका पालकाची 1 लाख रुपयांची फसवणूक झाली आहे. भुपाल काळू जाधव (रा. डीजीपी नगर) यांनी अंबड पोलीस ठाण्यात अज्ञात भामट्याविरुद्ध तक्रार दिली आहे. पैसे देऊनही प्रवेश मिळाला नाही आणि संशयिताने पैसे परत करण्यासही नकार दिल्याने हा गुन्हा दाखल करण्यात आला.
आधी अडचण, आता नागरिकांना मिळणार दिलासा, कोस्टल रोडवर ही सुविधा सुरू
एटीएम कार्डची अदलाबदल; महिलेला 50 हजारांचा फटका
नाशिकरोड येथील मुक्तीधाम परिसरातील एसबीआय एटीएममध्ये एका महिलेची हातचलाखीने फसवणूक करण्यात आली. रुख्मिणी सूर्यवंशी (38) या पैसे काढण्यासाठी गेल्या असता, पाठीमागे उभे असलेल्या दोन अज्ञात इसमांनी त्यांचा पिन चोरून पाहिला. तुमचे कार्ड मशिनमध्ये नीट बसले नाही, असे भासवून आरोपीने त्यांचे मूळ कार्ड लंपास केले आणि दुसरे बनावट कार्ड हातात दिले. काही वेळातच त्यांच्या खात्यातून 49 हजार 500 रुपये लंपास करण्यात आले. नाशिकरोड पोलीस या प्रकरणाचा अधिक तपास करत आहेत.
फसवणुकीचे आठ गुन्हे एकाच दिवशी वेगवेगळ्या पोलीस ठाण्यात दाखल झाल्याने शहरात खळबळ उडाली असून. सतर्कतेचा इशारा देत बँकिंग व्यवहार करताना अनोळखी व्यक्तीची मदत घेऊ नका आणि कर्ज प्रकरणांसाठी केवळ अधिकृत कागदपत्रांचाच वापर करा, असे आवाहन नाशिक पोलिसांनी केले आहे.