TRENDING:
शिनगारे कुटुंब हे प्रियदर्शनी कॉलनीत भाड्याने राहते. सहा महिन्यांपूर्वी आकाश संजय शिनगारे (मूळ गाव: वावरे अंतरवली, ता. गेवराई, जि. बीड) यांचा परभणी येथील प्रतिक्षा हिच्याशी विवाह झाला होता. आकाश हा खासगी नोकरीसाठी लातूर येथे राहतो, तर प्रतिक्षा ही आपल्या सासू सविता यांच्यासोबत जालन्यात राहत होती. आज पहाटे घडलेल्या या भयंकर घटनेत प्रतिक्षाने सासूचा जीव घेतला आणि मृतदेह लपवण्याचा प्रयत्न केला. पण तिचा हा डाव यशस्वी होऊ शकला नाही.
advertisement
कुत्र्यांसाठी घसरगुंडी, स्विमिंग पूल अन् हॉस्टेल, महाराष्ट्रात या ठिकाणी उभारलं डॉग पार्क
प्रतिक्षा ही पहाटे 5:28 वाजता घरातून बाहेर पडताना सीसीटीव्ही कॅमेऱ्यात कैद झाली आहे. ती एका साथीदाराच्या मदतीने दुचाकीवरून पळून गेली असून, तिचा शोध घेण्यासाठी पोलिसांनी दोन पथके तैनात केली आहेत. ही घटना समोर आल्यानंतर पोलिसांनी तपास सुरू केला असून, प्रतिक्षा आणि तिच्या साथीदाराचा ठावठिकाणा शोधण्याचे प्रयत्न सुरू आहेत. या प्रकरणाने परिसरातील रहिवाशांमध्ये भीतीचे वातावरण निर्माण झाले आहे. सासू-सुनेतील वादाचे कारण काय होते, याबाबत अद्याप स्पष्ट माहिती समोर आलेली नाही. पोलिस या प्रकरणाचा सखोल तपास करत असून, सुनेला परभणी येथून ताब्यात घेण्यात पोलिसांना यश मिळाले आहे.