कुत्र्यांसाठी घसरगुंडी, स्विमिंग पूल अन् हॉस्टेल, महाराष्ट्रात या ठिकाणी उभारलं डॉग पार्क

नाशिक : अलीकडच्या काळात कुत्रा आणि मांजर पाळण्याचा ट्रेंड सध्या सर्वत्र सुरू आहे. फक्त त्यांना पाळणेच नाही तर जीव देखील घरातल्या लहान मुलांसारखा लावला जात असतो. त्यांच्या गरजा पुरविणे, वस्तू आणणे सर्व लाड हे हौसेने पालकांकडून केले जात असतात. अनेक ठिकाणी प्राण्यांना घेऊन येण्यास परवानगी नसते. यामुळे त्यांना मोकळेपणाने वावरता येत नाही. अलीकडे बरेच लोक हे अपार्टमेंटमध्ये राहत असतात. परंतु अपार्टमेंटमध्ये काही नियम असल्याने आपल्या पाळीव कुत्र्याला किंवा मांजरीला मुक्त संचार करण्यासाठी जागा नसते. त्यामुळे हेच पाळीव प्राणी घरात राहून राहून चिडचिडे होत असतात. याचा विचार करून नाशिकमधील पवार कुटुंबियांनी नवीन संकल्पनेतून डॉग पार्क पहिल्यांदाच पाच एकरात नाशिकमधील पिंपळगाव बहुला या ठिकाणी उघडले आहे.