TRENDING:
नागनाथ सुडके असं शिक्षा झालेल्या आरोपीचं नाव आहे. तो लातूरजवळील कासारजवळा गावचा रहिवासी आहे. नागनाथ याने २४ ऑगस्ट २०२१ रोजी आपला भाऊ वैजनाथ सुडके याच्यावर जीवघेणा हल्ला केला होता. त्याने लाकडी दांड्याने भावाच्या डोक्यात वार केले होते. हा हल्ला इतका भयंकर होता की, वैजनाथ रक्ताच्या थारोळ्यात जमीनीवर कोसळले होते. यानंतर त्यांना रुग्णालयात दाखल करण्यात आलं होतं. मात्र दुसऱ्या दिवशी त्यांची प्राणज्योत मालवली.
advertisement
मिळालेल्या माहितीनुसार, दोषी नागनाथ सुडके याला दारुचं व्यसन होतं. ऑगस्ट २०२१ मध्ये मयताच्या खात्यावर प्रधानमंत्री योजनेचे दोन हजार रुपये मिळाले होते. यातील एक हजार रुपये नवनाथचे होते. पण भाऊ दारु पिऊन पैसे उडवतो, त्यामुळे मयताने हे एक हजार रुपये नागनाथची पत्नी अंजनाबाई यांच्याकडे दिले होते. याचा राग नागनाथला आला होता. त्यामुळे घटनेच्या दिवशी आरोपीनं आपल्या भावाच्या घरावर दगडाने हल्ला केला.
यानंतर वैजनाथ घराबाहेर आले. यावेळी आरोपी एक हजार रुपयावरून भावाशी वाद घातला, हा वाद विकोपाला गेल्यानंतर आरोपीनं लाकडी दांड्याने भावावर हल्ला केला. ज्यात त्यांचा मृत्यू झाला. या प्रकरणी मयताच्या मामांनी आरोपी विरोधात गुन्हा दाखल केला होता. २८ मार्चला लातूर जिल्हा सत्र न्यायालयाने या प्रकरणावर निकाल दिला. कोर्टाने आरोपीला जन्मठेपेची शिक्षा सुनावली.