TRENDING:
नेमकं घडलं काय?
तासगाव तालुक्यातील मणेराजुरी येथील 28 वर्षीय तरुण प्रतीक दिनेश पवार हा सांगलीत खासगी नोकरी करतो. सोमवारी रात्री 10 वाजताच्या सुमारास तो दुचाकीवरून घरी निघाला होता. कवलापूर गावच्या हद्दीत एका पेट्रोलपंपाजवळ आला असताना पत्ता विचारण्याच्या बहाण्याने दोघांनी त्याला थांबवले. संशयितांनी तोंडाला रुमाल बांधला होता. त्यातील एकाने तासगावला जाण्याचा रस्ता विचारला.
advertisement
पुणे हादरलं! तरुणाच्या चेहऱ्याचे लचके तोडले; डोकं तोंडात धरून 10 फूट फरफटत नेलं अन्...
रस्ता सांगतानाच चेहऱ्यावर स्प्रे मारला
प्रतीक हा मार्ग सांगत असतानाच दुसऱ्याने प्रतीक याच्या तोंडावर कशाचा तरी स्प्रे मारला. यामुळे प्रतीक बेशुद्ध पडला. त्याचा फायदा घेऊन दोघांनी त्याची दुचाकी, मोबाईल आणि सहा हजार रुपये रोकड घेऊन पळाले. काही वेळानंतर प्रतीकला जाग आली. तेव्हा नागरिकांच्या मदतीने तो घरी पोहोचला. मंगळवारी सायंकाळी त्याने सांगली ग्रामीण पोलिसांत फिर्याद दिली. कवलापूर येथील सीसीटीव्हीमध्ये पोलीस संशयितांचा शोध घेत आहेत.
सावध राहण्याची गरज
अलीकडे नवनवीन युक्त्या वापरून चोऱ्या- लबाड्या करण्याचे प्रमाण वाढले आहे. यामुळे नागरिकांनी अत्यंत सतर्क राहण्याची गरज आहे, असं सांगली पोलिसांनी म्हटलंय.