पुणे हादरलं! तरुणाच्या चेहऱ्याचे लचके तोडले; डोकं तोंडात धरून 10 फूट फरफटत नेलं अन्...

अक्षय नशेमध्ये असल्याने त्याला कुत्र्यांचा प्रतिकार करता आला नाही. कुत्र्यांनी त्याच्या शरीराचे, विशेषतः कान, डोके आणि चेहऱ्याचे अक्षरशः लचके तोडले. इतक्यावरच न थांबता, कुत्र्यांनी त्याला डोके तोंडात धरून १० फुटांपर्यंत फरफटत नेले. या भीषण हल्ल्यात अक्षय रक्तबंबाळ झाला आणि बेशुद्ध अवस्थेत तिथेच पडून राहिला.

हल्ला पहाटे झाला असला तरी अक्षय सकाळी नऊ वाजेपर्यंत त्याच अवस्थेत रस्त्यावर पडून होता. अनेक नागरिकांनी त्याला पाहिले, मात्र कोणीही मदतीसाठी पुढे आले नाही. अखेर सकाळी ९ वाजता स्वच्छता कामगारांच्या ही बाब लक्षात येताच त्यांनी तातडीने पोलिसांना माहिती दिली. सध्या अक्षयवर रुग्णालयात उपचार सुरू असून त्याची प्रकृती गंभीर असल्याचे समजते. या घटनेमुळे नऱ्हे परिसरात भटक्या कुत्र्यांची दहशत पुन्हा एकदा समोर आली आहे.