'आई कुठे काय करते' ही मालिका 2019 पासून स्टार प्रवाह या वाहिनीवर सुरू आहे. आतापर्यंत मालिकेनं एक हजाराहून अधिक एपिसोड पूर्ण केले आहे. मालिकेतील प्रत्येक व्यक्तिरेखा प्रेक्षकांच्या लाडक्या आहेत. अरुंधती या पात्राभोवती फिरणारी मालिका महाराष्ट्राच्या घरातील प्रत्येक गृहिणीची व्यस्था मांडणारी आहे. अभिनेत्री मधुराणी प्रभुलकर हिनं अरुंधतीची भूमिका साकारली आहे. मधुराणीनं साकारलेली अरुंधती अल्पावधीतच प्रसिद्ध झाली. अरुंधती आणि मधुराणी या दोघांना प्रेक्षकांचं प्रेम मिळालं. पण तब्बल 5 वर्षांनी मालिका संपणार असल्याचं म्हटलं जात आहे.
advertisement
हेही वाचा - VIDEO : 'डिलिव्हरी बॉय' पाहताना महिलेला अश्रू अनावर; अभिनेत्रीनं मिठी मारत केलं असं काही
अरुंधतीची मालिका सोमवार ते शनिवार रात्री 7.30 वाजता टेलिकास्ट होते. मात्र या स्लॉटला आता नवी मालिका प्रेक्षकांच्या भेटीला येत आहे. 'घरोघरी मातीच्या चुली' या मालिकेचा प्रोमो काही दिवसांपासून चर्चेत आहे. मालिका किती वाजता टेलिकास्ट होणार याची प्रेक्षकांना उत्सुकता होती. 'घरोघरी मातीच्या चुली' ही मालिका 18 मार्चपासून सोमवार ते शनिवारी रात्री 7.30 वाजता टेलिकास्ट होणार आहे. 'घरोघरी मातीच्या चुली' ही मालिका 'आई कुठे काय करते' या मालिकेच्या वेळेत लागणार आहे. त्यामुळे 'आई कुठे काय कर'ते ही मालिका प्रेक्षकांचा निरोप घेतेय की काय अशा चर्चा सुरू झाल्या आहेत.
'आई कुठे काय करते' या मालिकेनं मागील 5 वर्षांपासून टीआरपीच्या शर्यतीत कायम पहिल्या पाचात नंबर मिळवला आहे. संध्याकाळी 7.30चा वेळ हा प्राइम टाइमचा असल्यानं पहिल्या दिवसापासून मालिकेला त्याचा फायदा झाला. पण 18 मार्चपासून 7.30 वाजता घरोघरी मातीच्या चुली ही मालिका सुरू होणार आहे. नव्या मालिकेमुळे 'आई कुठे काय करते' मालिका प्रेक्षकांचा निरोप घेणार की नव्या वेळेत प्रेक्षकांच्या भेटीला येणार याची माहिती अद्याप समोर आलेली नाही. घरोघरी मातीच्या चुली ही मालिका 18 मार्चला सुरू होतेय. 'आई कुठे काय करते' या मालिकेनं प्रेक्षकांचा निरोप घेतला तर 16 मार्चला मालिकेचा लास्ट एपिसोड असेल असा अंदाज आहे.