TRENDING:
वडिलांनी आत्महत्या केली तेव्हा मलायका मुंबईत नव्हती. तिला माहिती मिळताच ती घरी पोहाचली. वडिलांच्या निधनाच्या आदल्या रात्री दोघी बहिणी त्यांना भेटायला घरी गेल्या होत्या. त्या रात्री मलायका खूप अस्वस्थ वाटत होती. दुसऱ्या दिवशी सकाळी देखील अनिल मेहता यांनी मृत्यूआधी मलायका आणि अमृता यांना फोन केला होता. मी खूप थकलो आहे असं ते म्हणाले.
advertisement
( मलायका अरोराच्या वडिलांच्या मृत्यूचं कारण काय? पोस्टमॉर्टम रिपोर्टमधून मोठा खुलासा )
वडिलांच्या अकाली जाण्यानं मलायकाला खूप मोठा धक्का बसला आहे. मलायका तिच्या वैयक्तिक आयुष्यातील नातेसंबंधांमध्ये खूप स्ट्रगल करताना दिसली आहे. काही दिवसांपासून तिच्या आणि अर्जून कपूरच्या ब्रेकअपच्या चर्चा पाहायला मिळत होत्या. अशातच तिच्या वडिलांच्या मृत्यूनं तिच्यावर दु:खाचा डोंगर कोसळला आहे.
आजोबांच्या मृत्यूची माहिती मिळाल्यानंतर अरहान देखील त्यांच्या घरी आली. अरहानच्या आधी त्यांचे वडील अरबाज खान देखील मलायकाच्या घरी पोहोचला होता. अरबाज आणि मलायकाच्या घटस्फोटानंतरही ते मुलगा अरहानसाठी एकत्र आल्याचं पाहायला मिळालं. अनिल मेहता यांचा मृत्यू झाला असल्याची माहिती मिळताच मलायकाच्या मदतीला अरबाज खान पहिल्यांदा पोहोचलेला पहायला मिळाला.
अरबाजनंतर त्याचा मुलगा अरहान देखील आईला भावनिक सपोर्ट करताना दिसला. इमारतीच्या बाहेर मलायका रडताना दिसत आहे. अरहान तिच्या खांद्यावर हात ठेवून तिला धीर देताना दिसतोय.