मलायका अरोराच्या वडिलांच्या मृत्यूचं कारण काय? पोस्टमॉर्टम रिपोर्टमधून मोठा खुलासा

मलायका अरोराच्या वडिलांनी 12 सप्टेंबर 204 राजी सकाळी नऊ वाजताच्या सुमारात घराच्या बाल्कनीतून उडी मारून आत्महत्या केली अशी प्राथमिक माहिती समोर आली. त्यानंतर पोलिसांनी घटनास्थळी धाव घेत त्यांचा मृतदेह पोस्टमार्टमसाठी जवळच्या कूपर रुग्णालयात पाठवला. बुधवारी रात्री आठ वाजताच्या सुमारात अनिल मेहता यांचं पोस्टमार्टम करण्यात आलं. त्यांचे प्राथमिक रिपोर्ट आले असले तरी मल्टीपल इन्जुरी नेमकी कशामुळे झाली याचं कारण समोर आलेलं नाही.

( Malaika Arora Father Death: वडिल अनिल अरोराच्या निधनानंतर मलायकाची पहिली पोस्ट, म्हणाली... )

मलायकाच्या वडिलांवर आज अंत्यसंस्कार होणार आहेत. त्यांनी आत्महत्या केली तेव्हा त्यांची पत्नी म्हणजेच मलायकाची आई जॉयस पॉलीकार्प या घरीच होत्या. त्यांनी पोलिसांना दिलेल्या माहितीत सांगितलं, अनील अरोरा हे दररोज सकाळी बाल्कनीमध्ये पेपर वाचत बसायचे. ते दररोज बाल्कनीमध्ये चप्पल घालून खुर्चीत बसायचे आणि पेपर वाचायचे पण आज त्यांची चप्पल लिविंग रुममध्येच होती. जॉयस पॉलीकार्प त्यांना शोधण्यासाठी बाल्कनीच्या दिशेने गेले तेव्हा ते तिथे नव्हते. जॉयस पॉलीकार्प यांनी बाल्कनीतून खाली वाकून पाहिलं तेव्हा बिल्डिंगचा वॉचमन ओरडत होता.

अनिल मेहता यांनी आत्महत्या करण्याआधी त्यांच्या दोन्ही मुलींना फोन केला होता अशी माहिती पोलिसांना तपासात समोर आली. अनिल मेहता यांनी मुलगी मलायका आणि अमृता यांना फोन केला होता. "मी आजारी आहे आणि आता मी थकलो आहे", असं ते मुलींशी फोनवर बोलले होते. यावरुन अनिल मेहता हे डिप्रेशनमध्ये असण्याची शक्यता वर्तवण्यात येत आहे. त्यांचा मृत्यू आत्महत्येमुळेच झाला असावा असा अंदाज लावण्यात येत आहे पण याबाबत अधिकृत माहिती समोर आलेली नाही.