'बलमा' फेम अविनाश वधावन
ज्या अभिनेत्याबद्दल आपण बोलत आहोत, त्याने दोन दशकांहून अधिक काळ अभिनयाच्या क्षेत्रात काम केले. चित्रपटांसोबतच त्याने टीव्ही मालिकांमध्येही आपल्या अभिनयाची छाप सोडली. ९० च्या दशकात त्याचे 'आई मिलन की रात' आणि 'बलमा' हे चित्रपट सुपरहिट झाले. हा अभिनेता आहे अविनाश वधावन. 'बलमा' फेम अविनाश वधावन यांची मुख्य अभिनेता म्हणून तेव्हा प्रचंड मागणी होती.
advertisement
खाजगी आयुष्यातील वादळाने बुडाले करिअर
८० च्या दशकात बॉलिवूडमध्ये पाऊल ठेवणारे अविनाश २००० पर्यंत सातत्याने चित्रपटांमध्ये दिसले. मात्र, आजच्या काळात ते इतके बदलले आहे की, त्यांना ओळखणेही कठीण आहे. सर्वात धक्कादायक बाब म्हणजे, सध्या अविनाश वधावन भारतात नाहीत. मिळालेल्या माहितीनुसार, ते न्यूयॉर्क किंवा लॉस एंजेलिस येथे स्थायिक झाले आहेत.
एका मुलाखतीत अविनाश वधावन यांनी स्वतः खुलासा केला होता की, त्यांच्या खाजगी आयुष्यातील समस्यांमुळेच त्यांचे अभिनयाचे करिअर उद्ध्वस्त झाले. अविनाश यांनी १९९१ मध्ये मॉडेल छाया पारेख यांच्याशी पहिले लग्न केले. मात्र, हे नाते फार काळ टिकले नाही आणि ९ वर्षांनंतर त्यांचा घटस्फोट झाला. घटस्फोटानंतर अभिनेत्याने नताशा नावाच्या महिलेशी दुसरे लग्न केले.
एका चुकीची मोठी किंमत
अभिनयाच्या शिखरावर असताना, वैयक्तिक आयुष्यातील वादळांमुळे अविनाश वधावन यांना इंडस्ट्रीपासून दूर राहावे लागले. काही काळानंतर जेव्हा त्यांनी कमबॅकचा प्रयत्न केला, तेव्हा त्यांना अपेक्षित यश मिळू शकले नाही. त्यांची एक छोटीशी चूक त्यांच्या संपूर्ण करिअरसाठी घातक ठरली, ज्यामुळे एकेकाळी शाहरुख खानला टक्कर देणारा हा सुपरस्टार आज परदेशात सामान्य माणसाचे जीवन जगत आहे.