TRENDING:
गौरव खन्ना सोडून सर्व सदस्य नॉमिनेट
'बिग बॉस 19'च्या घरात मागील आठवड्यात 'तिकिट टू फिनाले'चा टास्क पार पडला. गौरव खन्ना हा टास्क जिंकल्याने तो या पर्वाचा पहिला फायनलिस्ट ठरला. तसेच तो या आठवड्याचा कॅप्टनदेखील आहे. फायनलिस्ट झाल्याने गौरव आता घराबाहेर पडण्याच्या नॉमिनेशन प्रक्रियेपासून दूर आहे. 'तिकिट टू फिनाले' या टास्कदरम्यान अशनूर कौरने शारीरिक हिंसाचार केला होता. त्यामुळे तिला थेट घराबाहेर काढण्यात येणार आहे. अशूनूरसह शहनाज गिलचा भाऊ शहबाज बदेशादेखील आऊट झाल्याची चर्चा आहे.
advertisement
शहबाज झालाय बेघर
'बिग बॉस खबरी'ने दिलेल्या माहितीनुसार, या आठवड्यात शहबाज बदेशाचा प्रवास संपला आहे. कमी वोट्स मिळाल्याने त्याला घराबाहेर पडावं लागणार आहे. 'वीकेंड का वार'मध्ये सलमान कार याबाबत घोषणा करताना दिसेल. दोन सदस्य बाहेर पडल्याने आता घरात TOP 6 स्पर्धक उरले आहेत. यात गौरव खन्ना, फरहाना भट्ट, मालती चहर, प्रणित मोरे, अमाल मलिक आणि तान्या मित्तल या स्पर्धकांचा समावेश आहे.
कोण होणार विजेता?
'बिग बॉस 19' आता अंतिम टप्प्यात पोहोचल्याने या पर्वाचा विजेता कोण होणार हे जाणून घेण्याची प्रेक्षकांना आता उत्सुकता आहे. 'बिग बॉस 19'च्या व्होटिंग ट्रेंडनुसार, मालती चाहर, अमाल मलिक 'बॉटम 2'मध्ये आहेत. तर प्रणित मोरेला 8907 वोट्स मिळाल्याने तो टॉपवर आहे. प्रणितनंतर तान्या मित्तल, फरहाना भट्ट आणि गौरव खन्ना आहेत. 'बिग बॉस 19'चा विजेता कोण होणार हे जाणून घेण्यासाठी प्रेक्षकांना आता सात दिवस वाट पाहावी लागणार आहे.