प्रसिद्ध अभिनेत्याचे वयाच्या 55 व्या वर्षी निधन, घर रिनोव्हेट करताना झालेला अपघात

कोण होते टोनी जर्मेनो?

टोनी जर्मेनो हे ब्राझिलचे लोकप्रिय व्हॉइस-ओव्हर आर्टिस्ट, अभिनेते आणि विनोदी कलाकार होते. आपल्या अभिनय कारकिर्दीत त्यांनी अनेक उत्तम कलाकृतींत भाग घेतला आहे. त्यांच्या उल्लेखनीय कामांमध्ये अस नुप्सियास दे ड्रॅकुला (2018), लेबिरिंथ ऑफ लॉस्ट बॉयज (2025) आणि ऍन अनफॉरगेटेबल इयर: ऑटम (2023) यांचा समावेश आहे. त्यांनी एलेना ऑफ एव्हलॉर आणि द मपेट्स या प्रोजेक्टसाठीही आवाज दिला होता.

advertisement

55 व्या वर्षी टोनी जर्मेनो यांचे निधन

स्थानिक मीडिया आउटलेट्स फोल्हा दे साओ पाउलो आणि ओ एस्टाडो दे साओ पाउलो यांच्या माहितीनुसार, साओ पाउलोतील आपल्या घरात नूतनीकरण सुरू असताना टोनी जर्मेनो पडले आणि गंभीर जखमी झाले. त्या काळात ते ब्राझिलमधील आपल्या आई-वडिलांच्या घरी राहत होते. नूतनीकरणाच्या कामादरम्यान त्यांचा तोल गेला आणि ते खाली पडले. अभिनेत्याच्या जवळच्या व्यक्तीने दिलेल्या माहितीनुसार,"टोनी जर्मेनो यांच्या निधनाची माहिती देताना आम्हाला अतिशय दु:ख होत आहे. ते घरात पडले आणि गंभीर जखमी झाले. त्या जखमांमधून ते सावरू शकले नाहीत आणि त्यांचे निधन झाले".

मिगुएल फलाबेला यांची श्रद्धांजली

ब्राझिलचे लोकप्रिय अभिनेते मिगुएल फलाबेला यांनी टोनी जर्मेनो यांच्या निधनावर शोक व्यक्त केला आहे. त्यांचा एक फोटो शेअर करत त्यांनी लिहिले,"टोनी जर्मेनो यांच्या निधनाने एक मोठी पोकळी निर्माण झाली आहे. एक निष्णात व्यावसायिक, एक प्रिय मित्र, एक प्रतिभावान अभिनेता – अ‍ॅनी आणि मॅन ऑफ ला मंचा यांसारख्या अनेक नाटकांत आम्ही एकत्र काम केले. प्रिय मित्रा, तू आम्हाला सदैव आठवशील".