दीड वर्षाच्या चिमुकल्याची कमाल! 2 मिनिटांत ओळखले 45 कार ब्रँड्स, इंडिया बुक ऑफ रेकॉर्ड्समध्ये नोंद
- Published by:Mohan Najan
- Reported by:Pooja Satyavan Patil
Last Updated:
दीड वर्षांच्या नील भालेराव या चिमुकल्यांने केवळ 2 मिनिटे 53 सेकंदात जगातील 45 कार ब्रँडची अचूक ओळख सांगून इंडिया बुक ऑफ रेकॉर्ड्समध्ये आपली नोंद केली आहे.
पुणे: ज्या वयात मुलांना नीट हाताने जेवण सुद्धा करता येत नाही, त्या वयात पुण्यातील अवघ्या दीड वर्षांच्या नील निखिल भालेराव या चिमुकल्याने केलेल्या कामगिरीने सर्वांना आश्चर्यचकित केले आहे. नीलने केवळ 2 मिनिटे 53 सेकंदात जगातील 45 कार ब्रँडची अचूक ओळख सांगून इंडिया बुक ऑफ रेकॉर्ड्समध्ये आपली नोंद केली आहे. एवढ्या कमी वयात साध्य केलेल्या या उल्लेखनीय यशामुळे नीलवर सर्व स्तरांतून कौतुकाचा वर्षाव होत आहे. नीलच्या पालकांनी या रेकॉर्डविषयी लोकल 18 ला माहिती दिली आहे.
नीलचे वडील निखिल आणि आई प्रेरणा यांनी सांगितलं की नील सव्वा वर्षांचा असतानाच बोलायला शिकला होता. त्याला लहानपणापासूनच कारची प्रचंड आवड आहे. त्यामुळे आम्ही त्याला कारविषयी अनेक गोष्टी दाखवायला सुरुवात केली. कधी त्याला कारचे फोटो दाखवायचो, तर कधी व्हिडिओ दाखवायचो.
शक्य असेल तेव्हा आम्ही त्याला कारच्या शोरूममध्येही घेऊन जायचो. अशा सगळ्या गोष्टीतून आम्ही त्याची आवड जपली. त्यामुळेच तो अगदी लहानपणापासून विविध गाड्या ओळखू लागला. या सगळ्यामुळे नीलने केवळ 2 मिनिटे 53 सेकंदात जगातील 45 कार ब्रँडची अचूक ओळख सांगून इंडिया बुक ऑफ रेकॉर्ड्समध्ये आपली नोंद केली.
advertisement
नीलच्या या यशामागे त्याच्या आई-वडिलांचा मोठा वाटा आहे. त्यांनी योग्य वेळी आपल्या मुलातील क्षमता ओळखून त्याला त्या दिशेने मार्गदर्शन केले. मुलांचे गुण ओळखून त्यांना योग्य दिशा दिली, तर ते किती मोठं यश मिळवू शकतात, याचं उत्तम उदाहरण नीलने घालून दिलं आहे. त्याच्या या रेकॉर्डमुळे कुटुंबासोबत महाराष्ट्र आणि देशाचंही नाव अभिमानाने उंचावलं आहे.
view commentsLocation :
Pune,Maharashtra
First Published :
November 29, 2025 9:04 PM IST
मराठी बातम्या/पुणे/
दीड वर्षाच्या चिमुकल्याची कमाल! 2 मिनिटांत ओळखले 45 कार ब्रँड्स, इंडिया बुक ऑफ रेकॉर्ड्समध्ये नोंद

