'बिग बॉस 19' ग्रँड फिनाले कधी आणि कुठे पाहाल? विजेता किती रुपये घेऊन घरी जाणार, वाचा प्रत्येक अपडेट एका क्लिकवर

'बिग बॉस 19' हा छोट्या पडद्यावरील वादग्रस्त कार्यक्रम आता शेवटच्या टप्प्यात आला आहे. त्यामुळे या कार्यक्रमाबाबत प्रत्येक अपडेट जाणून घेण्यास प्रेक्षक सध्या उत्सुक आहेत. 'बिग बॉस 19' ग्रँड फिनाले कधी आणि कुठे पडणार. विजेता किती रुपये घेऊन घरी जाणार हे सर्वकाही जाणून घ्या.

'बिग बॉस 19'चा ग्रँड फिनाले 7 डिसेंबर 2025 रोजी होणार आहे. Colors TV आणि JioCinema / JioHotstar वर प्रेक्षकांना हा ग्रँड फिलाने पाहता येईल.

'बिग बॉस 19' हा कार्यक्रम दररोज रात्री 9 वाजल्यापासून जिओ हॉटस्टारवर उपलब्ध होत असतो. तर टीव्हीवर रात्री 10.30 वाजता हा वादग्रस्त कार्यक्रम प्रसारित होतो. पण आता ग्रँड फिनाले मात्र दोन्ही प्लॅटफॉर्मवर एकाचवेळी प्रसारित करण्यात येणार आहे.

मीडिया रिपोर्ट्सनुसार, 'बिग बॉस 19' ही मानाची ट्रॉफी जिंकणाऱ्या विजेत्याला 50 लाख रुपयांचं बक्षिस मिळणार आहे. तसेच यावेळी स्पर्धकांचं मानधन हे मागील वर्षातील स्पर्धकांपेक्षा जास्त आहे.

'बिग बॉस 19'मधील TOP 6 स्पर्धकांची नावे आता समोर आली आहेत. या आठवड्यात वीकेंडला डबल एलिमिनेशन होण्याची शक्यता आहे. त्यामुळे अशनूर कौर आणि शबबाज घराबाहेर जाऊ शकतात. त्यांच्या जाण्यानंतर या पर्वातील TOP 6 स्पर्धक समोर येतील. यात गौरव खन्ना, तान्या मित्तल, मालती चाहर, प्रणित मोरे, अमाल मलिक आणि फरहाना भट्ट या स्पर्धकांचा समावेश आहे.

'बिग बॉस 19'च्या स्पर्धकांमध्ये तगडी स्पर्धा होत असल्याचं पाहायला मिळत आहे. या शेवटच्या आठवड्यात गौरव खन्ना, फरहाना भट्ट, प्रणित मोरे आणि अमाल मलिक यांच्यात जबरदस्त टक्कर पाहायला मिळेल.

'बिग बॉस 19'च्या टॉप 5 स्पर्धकांमध्ये कोण असेल? कोण ठरणार या सीझनचा विजेता असे अनेक प्रश्न बिग बॉसप्रेमींना पडले आहेत. पुढच्या सात दिवसांत 'बिग बॉस 19'च्या विजेत्याची घोषणा होणार आहे.