Malegaon Girl Murder Case: मालेगाव चिमुरडी अत्याचार आणि हत्या प्रकरणी मोठी अपडेट, उज्ज्वल निकम खटला लढवणार!
- Published by:Sachin S
Last Updated:
नाशिक जिल्ह्यातील मालेगावच्या डोंगराळे गावात एका ३ वर्षांच्या चिमुरडीवर अत्याचार करून खून करण्यात आला.
मालेगाव : संपूर्ण महाराष्ट्राला हादरावून सोडणाऱ्या मालेगाव चिमुरडी बलात्कार आणि हत्या प्रकरणी नवी अपडेट समोर आली आहे. या प्रकरणातील नराधमाला लवकरात लवकर शिक्षा व्हावी अशी मागणी मालेगावकरांची आहे. या प्रकरणी आता विशेष सरकारी वकील उज्ज्वल निकम यांची नियुक्ती करण्यात आली आहे.
नाशिक जिल्ह्यातील मालेगावच्या डोंगराळे गावात एका ३ वर्षांच्या चिमुरडीवर अत्याचार करून खून करण्यात आला. या प्रकरणी आरोपी विजय खैरनार याला अटक करण्यात आली असून तो पोलीस कोठडीत आहे. या प्रकरणाची न्यायालयीन प्रक्रिया जलद गतीने व्हावी असी मागणी डोंगराळे गावकऱ्यांची आहे.
या प्रकरणी आता विशेष सरकारी वकील उज्ज्वल निकम यांची नियुक्ती करण्यात आली आहे. राज्य सरकारच्या वतीने उज्ज्वल निकम डोंगराळे घटनेची केस लढणार आहे. मागील काही दिवसांपासून डोंगराळे गावातील चिमुकलीवर झालेल्या अत्याचार प्रकरणी आंदोलन सुरू आहे. त्या आंदोलनाला आता यश मिळालं आहे.
advertisement
आरोपीला ११ दिवसांची पोलीस कोठडी
view commentsदरम्यान, या प्रकरणात आरोपी विजय संजय खैरनार हा पोलिसांच्या कोठडीत आहे. मालेगाव जिल्हा सत्र न्यायालयाने आरोपीला ११ दिवसांची पोलीस कोठडीत रवानगी केली आहे. कोठडीत असताना विजय हा पुरता हादरून गेला आहे. मागील ११ दिवसांपासून त्याला शहरातील वेगवेगळ्या पोलीस कोठडीत ठेवण्यात आलं आहे. त्यावेळी त्याला इतर आरोपी सारखंच जेवण दिलं जातं, त्याला इतर आरोपींसारखंच वागवलं जातं. आपल्या हातातून घडलेल्या सैतानी कृत्यामुळे विजय हा आतून हादरून गेला आहे. त्याला आता धड झोप येत नाही, रात्रीच तो उठून बसतो, अशी माहिती समोर आली आहे.
Location :
Manmad,Nashik,Maharashtra
First Published :
November 29, 2025 8:22 PM IST
मराठी बातम्या/महाराष्ट्र/
Malegaon Girl Murder Case: मालेगाव चिमुरडी अत्याचार आणि हत्या प्रकरणी मोठी अपडेट, उज्ज्वल निकम खटला लढवणार!


