हेलन यांचा एक्स पतीकडून छळ, या बॉलिवूड स्टारचा अंडरवर्ल्ड डॉनला फोन, मारियांनी केलं उघड

राकेश मारिया यांनी आपल्या 'व्हेन इट ऑल बिगेन : द अनटोल्ड स्टोरीज ऑफ द अंडरवर्ल्ड' या पुस्तकात लिहिल्याप्रमाणे,"हेलन यांना 1958 मध्ये वयाच्या 19 व्या वर्षी पहिला ब्रेक मिळाला. अभिनयक्षेत्रात पदार्पण केल्यानंतर त्यांना अनेक चांगल्या भूमिका मिळाल्या. हेलन यांनी तब्बल 700 पेक्षा अधिक चित्रपटात आपल्या अभिनयाची छाप पाडली आहे. हेलन आणि पी एन अरोडा 1957 मध्ये विवाहबंधनात अडकले होते. लग्नानंतर हेलन सिनेसृष्टीत काम करत असल्या तरी त्यांची संपत्ती आणि पैसे सांभाळण्याची जबाबदारी पी एन अरोडा यांनी घेतली होती. त्यावेळी पी एन अरोडा यांचं करिअर सुरळित सुरू नव्हतं. हळूहळू पी एन अरोडा यांनी अभिनेत्रीचा छळ करायला सुरुवात केली. पण हेलन मात्र शांततेत सर्व सहन करित होत्या".

advertisement

अन् हेलनच्या मदतीला आला कुख्यात डॉन करीमलाला

हेलन यांना एकेदिवशी पी एन अरोडा यांनी घराबाहेर काढले. त्यावेळी निराधार झालेल्या हेलन यांनी जवळचे मित्र असलेल्या दिलीप कुमार आणि सलीम खान यांच्याकडे मदत मागितली. दिलीप कुमार यांनी एका पत्राद्वारे करीम लाला यांच्यासोबत संपर्क साधला. पुढे करीम लाला यांनी हेलनला भेटायला बोलावले. पुस्तकात लिहिल्यानुसार, करीम लाला दरबारात आले त्यावेळी त्यांनी लगेचच हेलन यांना ओळखले. पण तरी असिस्टंटला सांगून त्यांनी हेलन यांना त्यांच्या पत्नीजवळ घेऊन जायला सांगितले. थोड्यावेळानंतर करीम लाला आणि हेलन यांची भेट झाली. सर्व प्रकार हेलन यांनी करीम लाला यांना सांगितला. पुढे सर्व सत्य असल्याचं करीम लाला यांना कळलं आणि त्यांनी अभिनेत्रीला घर मिळेल, जा घरी आता असं वचन दिलं.

हेलन ज्यावेळी घरी पोहोचल्या त्यावेळी त्यांना शॉक बसला होता. कारण त्यांचा पती पी. एन, अरोडा ते घर सोडून गेला होता. तसेच अभिनेत्रीची सर्व संपत्तीदेखील त्याने तिथेच ठेवली होती. पुढे हेलन आणि पी.एन. अरोडा 1974 मध्ये विभक्त झाले. त्यानंतर हेलन आणि सलीम खान 1981 मध्ये लग्नबंधनात अडकले.

रोहित शेट्टीने केली बायोपिकची घोषणा

'व्हेन इट ऑल बिगेन : द अनटोल्ड स्टोरीज ऑफ द अंडरवर्ल्ड' या पुस्तक प्रकाशनादरम्यान बॉलिवूडचा लोकप्रिय दिग्दर्शक रोहित शेट्टीने आपल्या आगामी बायोपिकची घोषणा केली. मुंबईतील 26/11 चा हल्ला केंद्रस्थानी ठेवून मारियांवर बायोपिक करत असून सध्या शूटिंग सुरू असल्याचं यावेळी रोहित शेट्टीने सांगितलं. 26 नोव्हेंबर रोजी हल्ला झाल्यानंतर मारियांनी केलेले 1300 कॉलचे नियंत्रण हा या बायोपिकचा कणा असेल, असं तो यावेळी म्हणला.