TRENDING:
2025 चा सर्वात धमाकेदार हॉरर फिल्म
प्रणव मोहनलाल यांच्या 'डाइस इरा' या चित्रपटाने बॉक्स ऑफिसवर पैशांचा पाऊस पाडला आणि वर्षातील सर्वाधिक कमाई करणाऱ्या मलयाळम चित्रपटांपैकी एक ठरला. या चित्रपटात बेचैन करणारे सीन आणि कथा अत्यंत बारकाईने मांडण्यात आली आहे. थिएटरमध्ये बक्कळ कमाई केल्यानंतर 'डाइस इरा' आता घरबसल्या तुम्हाला पाहता येईल. ज्यांना हा चित्रपट रुपेरी पडद्यावर पाहता आला नाही, ते आता ओटीटी प्लॅटफॉर्मवर पाहू शकतात.
advertisement
‘डाइस इरा’ 5 डिसेंबरपासून Jio Hotstar वर स्ट्रीम होणार आहे. सोशल मीडियावर अपडेट जाहीर करताना प्लॅटफॉर्मच्या ऑफिशियल हँडलने लिहिले,"
“क्रोधाचा दिवस आला आहे. डाइस इरा 5 डिसेंबरपासून फक्त Jio Hotstar वर स्ट्रीम होईल". तसेच त्यांनी एक प्रमोशनल व्हिडिओही शेअर केला आहे. यात प्रणवचं पात्र गाढ, अस्वस्थ करणाऱ्या स्थितीत पाहायला मिळत आहे.
रात्रीची झोप उडवणारी फिल्म
'डाइस इरा' या चित्रपचाची कथा राहुल सदाशिवन यांनी लिहिली आणि दिग्दर्शित केली आहे. चक्रवर्ती रामचंद्र आणि एस. शशिकांत असून यांनी या चित्रपटाची निर्मिती केली आहे. नाइट शिफ्ट स्टुडिओ आणि YNOT स्टुडिओ यांच्या बॅनरअंतर्गत हा चित्रपट बनवण्यात आला आहे. रात्रीची झोप उडवणारा हा चित्रपट आहे.
सायकोलॉजिकल तणाव आणि अलौकिक घटक यांचे मिश्रण करून ‘डाइस इरा’ एक धोकादायक कथा प्रेक्षकांसमोर आणते. दमदार प्रोडक्शन आणि त्यांच्या मागील चित्रपटांशी असलेल्या थीम कनेक्शनमुळे हा आजच्या मलयाळम हॉरर सिनेमातील एक मोठा अॅडिशन ठरतो.
‘डाइस इरा’ ही एक मलयाळम हॉरर थ्रिलर आहे, ज्यात प्रणव एक सायको व्यक्तीची भूमिका साकारत आहेत.
कथानक एक श्रीमंत आर्किटेक्ट रोहन शंकर याच्या भोवती फिरते. त्याची जिवलग मैत्रीण कनी आत्महत्या केल्यानंतर तो तिच्या घरी जातो. आणि तिथून परतल्यावर त्याच्या आयुष्यात विचित्र घटना घडायला लागतात—
त्याला रहस्यमय आवाज ऐकू येतात आणि कधी कधी त्याला एक आत्माही दिसते.
12 कोटींच्या चित्रपटाने मेकर्सना केले श्रीमंत
‘डाइस इरा’ ला IMDb वर 7.6 रेटिंग मिळाली आहे. 12 कोटी बजेटमध्ये बनलेल्या या चित्रपटाने जगभरात 82 कोटींची कमाई करत 2025 च्या सुपरहिट हॉरर फिल्म्समध्ये आपले नाव कोरले आहे.
प्रणव मोहनलाल यांच्याशिवाय या चित्रपटात गिबिन गोपीनाथ, मनोहरी जॉय, अरुण अजीकुमार आणि जया कुरुप यांचा समावेश आहे.