Rashmika Mandanna: 'आता सोडणार नाही', रश्मिकाची 'ती' क्लिप व्हायरल, लग्नाच्या 15 दिवसातच अभिनेत्रीसोबत काय घडलं?

काय आहे त्या व्हायरल ऑडिओ क्लिपचं गूढ?

गेल्या २४ तासांपासून सोशल मीडियावर एक ऑडिओ क्लिप व्हायरल होत आहे, ज्यामध्ये रश्मिकाची आई सुमन मंदाना या रश्मिका आणि रक्षित शेट्टीच्या साखरपुड्याच्या काळातील त्रासाबद्दल बोलत असल्याचा दावा केला जात आहे. रश्मिकाच्या मते, हा संवाद जवळपास ८ वर्षांपूर्वीचा असून तो पूर्णपणे खाजगी होता. कोणाच्याही परवानगीशिवाय तो रेकॉर्ड करून आता चुकीच्या संदर्भाने पसरवला जात आहे.

advertisement

८ वर्ष शांत राहिले, पण आता...

रश्मिकाने इन्स्टाग्रामवर एक लांबलचक पोस्ट शेअर करत आपलं दु:ख व्यक्त केलं आहे. ती म्हणाली, "गेल्या ८ वर्षांपासून मी सतत चुकीची माहिती, ट्रोलिंग आणि वैयक्तिक हल्ले सहन करत आहे. अनेकदा माझ्या शब्दांचा चुकीचा अर्थ काढला गेला, तर कधी मी न बोललेल्या गोष्टी माझ्या नावावर खपवल्या गेल्या. केवळ व्ह्यूज आणि एंगेजमेंटसाठी लोकांनी माझं आयुष्य सर्कस बनवलं. मी आजवर शांत राहिले, कारण मला वाटलं की सार्वजनिक जीवनाचा हा एक भाग आहे. पण आता माझ्या कुटुंबाला आणि माझ्या जवळच्या व्यक्तींना यात ओढलं जातंय, ही मर्यादा ओलांडणारी गोष्ट आहे."

२४ तासांत दाखल करणार कायदेशीर नोटीस

रश्मिकाने मीडिया प्लॅटफॉर्म्स, इन्फ्लुएन्सर्स आणि ती क्लिप शेअर करणाऱ्यांना कडक शब्दांत ताकीद दिली आहे. तिने स्पष्टपणे सांगितलं आहे की, ही क्लिप खाजगी आयुष्यावर केलेलं आक्रमण असून हे मानहानी करणारी आहे. ही क्लिप शेअर करणाऱ्यांनी ती पुढच्या २४ तासांत काढून टाकावी. जर उद्यापर्यंत ही क्लिप हटवली नाही, तर रश्मिका संबंधितांवर कायदेशीर नोटीस बजावून कठोर कारवाई करणार आहे.

रश्मिकाने आपल्या चाहत्यांचे आभार मानत शेवटी एक भावनिक संदेश दिला. ती म्हणाली, "काही अनोळखी लोक आपण कसं जगावं हे ठरवू शकत नाहीत. आपण आपलं आयुष्य स्वतः निवडतो. तुमच्या प्रेमामुळेच मी इथवर पोहोचले आहे आणि यापुढेही माझं सत्य जपत मी पुढे जाईन."