TRENDING:
बिग बॉस मराठीच्या घरात विकेंडला भाऊच्या धक्क्यावर सदस्यांना त्यांची बाहेर किती पॉप्युलॅरिटी आहे हे दाखण्यात आलं. रितेशनं निक्की आणि सूरज यांना त्यांच्यावर तयार करण्यात आलेला गावठी बिग बॉसचा व्हायरल व्हिडीओ दाखवण्यात आला. निक्की, अरबाज आणि सूरज यांचा संभाषणाचा एक व्हिडीओ रिक्रिएट करण्यात आला होता. ज्यात ड्युप्लिकेट अत्यंत फनी अरबाज आणि निक्की तयार करण्यात आले.
advertisement
( "असं काय तर दाखवत जावा", बिग बॉसने असं काय दाखवलं की प्रेक्षक झाले खुश, पाहा VIDEO )
रील्स पाहणाऱ्या अनेकांनी हा व्हिडीओ पाहिला असेल. पवन जाधव या इन्स्टाग्राम हँडलवरून हा व्हिडीओ शेअर करण्यात आला. काही दिवसात हा व्हिडीओ इन्स्टाग्रामवर तुफान व्हायरल झाला. आपला व्हिडीओ जेव्हा बिग बॉसमध्ये दाखवल्याचं पाहिलं तेव्हा पवन जाधव याला झालेला आनंद काही औरच होता.त्यानं व्हिडीओ शेअर आनंद व्यक्त केला.
रील स्टार पवन जाधव यानं व्हिडीओ शेअर करत लिहिलंय, "कष्टाचं फळ, धक्काच बसला. दररोज जे बिग बॉस टीव्हीसमोर बसून बघतोय. त्यात आपला व्हिडीओ दाखवला. खरंच शब्दच नाहीत माझ्या फॅन लोकांचे आभार मानायला. हे तुमच्या सपोर्टमुळे शक्य झालंय. प्रॉउड ऑफ माय टीम आणि माझी इन्स्टा फॅमिली. वयाच्या आठव्या वर्षी दाद्या आणि चौदाव्या वर्षी श्री (आर्ची) हे माझे दोन वाघ टीव्हीवर दिसले. खरंच आज माझी मेहनत कामी आली. जिंकलो".
पवन जाधव हे अनेक महिने इन्स्टाग्रामवर रील्स बनवतात. अनेकांचे डायलॉग लिपक्सिंग करतात. बिग बॉस सुरू झाल्यापासून सूरज चव्हाणच्या डायलॉगवर ते फनी व्हिडीओ तयार करताना दिसत आहेत. त्यांच्या व्हिडीओला लाखोंची पसंती मिळतेय. गावठी बिग बॉस असं त्यांनी त्यांच्या व्हिडीओला नाव दिलं.