TRENDING:

राज्य सांस्कृतिक पुरस्कार जाहीर, मंत्री आशिष शेलारांकडून घोषणा, दिग्गजांसहित नवख्यांचाही सन्मान

Last Updated:

State Cultural Awards: कलेच्या विविध क्षेत्रांत दीर्घकाळ सेवा केलेल्या कलावंतांचा गौरव करणारा 'राज्य सांस्कृतिक पुरस्कार' आज जाहीर झाला आहे.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
मुंबई: कलेच्या विविध क्षेत्रांत दीर्घकाळ सेवा केलेल्या कलावंतांचा गौरव करणारा 'राज्य सांस्कृतिक पुरस्कार' सांस्कृतिक कार्यमंत्री ॲड. आशिष शेलार यांनी आज जाहीर केला आहे. नाटक, संगीत, चित्रपट, लोककला, कीर्तन अशा अनेक महत्त्वपूर्ण क्षेत्रांतील मान्यवरांना या पुरस्काराने सन्मानित केले जाणार आहे. पुरस्कार जाहीर होताच सांस्कृतिक कार्यमंत्री ॲड. आशिष शेलार आणि सांस्कृतिक कार्य विभागाचे सचिव डॉ. किरण कुलकर्णी यांनी सर्व पुरस्कारप्राप्त कलाकारांचे मनःपूर्वक अभिनंदन केले आहे.
News18
News18
advertisement

ज्येष्ठ कलाकारांचा 'महा-सन्मान'

या पुरस्कारांमध्ये ज्येष्ठ पुरस्काराचे स्वरूप तीन लाख रुपये, मानचिन्ह, सन्मानपत्र आणि शाल असे आहे. अनेक दिग्गजांचा यात समावेश आहे. ज्येष्ठ अभिनेते अरुण कदम यांना नाटकातील योगदानासाठी सन्मानित करण्यात येणार आहे. उत्कृष्ट चित्रपट निर्मितीसाठी शिवाजी लोटन पाटील यांना मराठी चित्रपट विभागात पुरस्कार जाहीर झाला आहे. कंठसंगीतमध्ये धनंजय जोशी, उपशास्त्रीय संगीतमध्ये उदय भवाळकर आणि वाद्यसंगीतमध्ये विजय चव्हाण यांना पुरस्कार मिळाला आहे. शाहीर मधुकर मोरे यांचाही गौरव होणार आहे.

advertisement

लोककलेत हरिभाऊ वेरुळकर, तर कीर्तन/समाजप्रबोधन विभागात गहिनीनाथ ज्ञानेश्वर औसेकर महाराज यांना पुरस्कार जाहीर झाला आहे. लावणी/संगीतबारी विभागात श्रीमती कल्पना जावळीकर आणि श्रीमती शकुंतला नगरकर यांचा सन्मान होणार आहे.

'युवा पुरस्कार' आणि नवोदितांना प्रोत्साहन

तरुण कलाकारांना प्रोत्साहन देण्यासाठी दिला जाणारा युवा पुरस्कार हा एक लाख रुपये, मानचिन्ह, सन्मानपत्र आणि शाल स्वरूपाचा आहे. अभिनेत्री तेजश्री प्रधान आणि अभिनेता भूषण कडू यांना नाटकासाठी युवा पुरस्कार जाहीर झाला आहे. संगीत क्षेत्रातील सर्वात मोठी बातमी म्हणजे, प्रसिद्ध गायक राहुल देशपांडे आणि भाग्येश मराठे यांना उपशास्त्रीय संगीत विभागात युवा पुरस्कार मिळाला आहे. कंठसंगीतमध्ये मयुर सुकाळे यांचा गौरव होणार आहे.

advertisement

टॉप व्हिडीओज

सर्व पहा
कांद्याचे दर घसरलेलेच, मका आणि सोयाबीनला आज काय मिळाला भाव? इथं चेक करा
सर्व पहा

चित्रपट विभागात मधुरा वेलणकर आणि शंतनु रोडे, तर शाहिरी विभागात शाहिरा अनिता खरात यांचा गौरव होणार आहे. हे सर्व पुरस्कार लवकरच मुंबई येथे एका भव्य समारंभात सर्व कलाकारांना प्रदान करण्यात येणार आहेत.

मराठी बातम्या/मनोरंजन/
राज्य सांस्कृतिक पुरस्कार जाहीर, मंत्री आशिष शेलारांकडून घोषणा, दिग्गजांसहित नवख्यांचाही सन्मान
बातम्या
फोटो
व्हिडिओ
लोकल