TRENDING:
राजश्री मराठीला दिलेल्या मुलाखतीत मृण्मयीनं सांगितलं, "कुंकूचं शुटींग सुरू होतं. एक सीन सुरू होता. मास्टर झाला, क्लोज झाला. सुनील दादाचा क्लोज सीन झाला. मग माझा सीन सुरू होता. बोलता बोलता जानकीच्या डोळ्यात पाणी येत असा काहीसा तो सीन होता. मी ती वाक्य बोलले आणि बोलतानाच मला काही सेकंद सुनील दादाच्या डोळ्यातील भाव दिसले. तेव्हा तो तिथे नरसिंह म्हणून रिएक्ट नाही झाला. त्याच्या डोळ्यात माझ्यासाठी खूप कौतुक दिसलं".
advertisement
( हेही वाचा - सुधीर फडकेंचा जीवनपट मोठ्या पडद्यावर; भूमिकेबद्दल सुनील बर्वे असं काही म्हणाला.., Video )
मृण्मयी पुढे म्हणाली, "कट झाला आणि तो काहीच न बोलता सगळ्यांसमोर माझा हात धरून मला मेकअप रुममध्ये घेऊन गेला. मला कळेना काय झालं? मी त्याला विचारलं की दादा काय झालं? माझं काही चुकलं का? मला काही कळेनाच कारण संपूर्ण सेटसमोर तो मला घेऊन गेला. त्याने त्याचं पाकिट उघडलं. त्याच्या पाकिटात त्या दिवशी जेवढे पैसे होते ते सगळे त्याने माझ्या हातात ठेवले आणि तो म्हणाला की, तु जे आता केलंस ना बाळा ते जप. तुझं कौतुक करण्यासाठी माझ्याकडे आता शब्द नाही. आता माझ्याकडे जेवढे पैसे आहेत ते तुझे. आता माझ्याकडे 2 कोटी रुपये असते तरी मी ते तुला दिले असते. त्यानंतर मी खूप भारावुन गेले. मी खूप खुश झाले होते. हा क्षण माझ्यासाठी एक बेंचमार्क झाला".
त्यानंतर मृण्मयी ओम भुतकरचा सुख़नचा प्रयोग बघायला गेली होती. तेव्हा ओम भुतकरचं सादरिकरण पाहून मृण्मयी भारावुन गेली. तिला तो प्रयोग प्रचंड आवडला. शो संपल्यानंतर तिनं तिच्या पाकिटात त्या क्षणी जितके पैसे होते ते सगळे ओम भुतकरच्या हातात ठेवले. माझ्यासोबत कोणीतरी असं केलं होतं जे मी आज तुझ्याबरोबर करतेय, असं म्हणत तिनं ओमचं कौतुक केलं.