रश्मिका-विजयचा व्हिडीओ व्हायरल
विजय देवरकोंडा आणि रश्मिका मंदाना यांचा ऑक्टोबरमध्ये साखरपुडा पार पडला असून त्यांनी लग्नाबाबत जास्त बोलणं टाळलं आहे. पण नुकतंच हैदराबाद येथील 'द गर्लफ्रेंड'च्या सक्सेस पार्टीत दोघांनी त्यांच्या कृत्याने चाहत्यांची मने जिंकली आहेत. रश्मिकाच्या नव्या चित्रपटाचं यश साजरं करण्यासाठी विजय मंचावर पोहोचला तेव्हा साऱ्यांच्या नजरा त्यांच्याकडेच होत्या. विजयने यावेळी रश्मिकाचा हात धरला आणि प्रेमाने तिच्याकडे पाहिलं. हातावर किस केलं त्यावेळी सर्व कॅमेऱ्यांचे फ्लॅश लाईट्स त्यांच्यावरच होते. सोशल मीडियावर रश्मिका-विजयचा हा व्हिडीओ चांगलाच व्हायरल होत आहे.
advertisement
रश्मिका-विजयच्या व्हिडीओवर नेटकऱ्यांच्या प्रतिक्रिया
विजयने रश्मिकाच्या हातावर किस केलं तेव्हा अभिनेत्री लाजली. त्यांच्या या व्हिडीओवर नेटकऱ्यांनी कमेंट्सचा वर्षाव केला आहे. अखेर आम्हाला हा क्षण पाहायला मिळाला, आता कळलं खरी गर्लफ्रेंड कोण आहे, अशा पद्धतीच्या कमेंट्स नेटकऱ्यांनी केल्या आहेत. हा रोमँटिक क्षण काही सेकंदाचा असला तरी प्रेक्षकांच्या टाळ्या आणि जल्लोषाने अविस्मरणीय ठरला आहे. अनेकांनी त्यांच्या या कृत्याला पहिला सार्वजनिक इशारा असं म्हटलं आहे. पण तरीही विजय आणि रश्मिकाने याबाबत मौन बाळगलं आहे.
'अशी' सुरू झाली लव्हस्टोरी
रश्मिका मंदाना आणि विजय देवरकोंडा यांची लव्हस्टोरी एखाद्या चित्रपटापेक्षा कमी नाही. 2018 मध्ये 'गीता गोविंदम' आणि 2019 मध्ये 'डियर कॉमरेड' या चित्रपटाच्या शूटिंगदरम्यान रश्मिका आणि विजय यांची चांगली मैत्री झाली. याचवेळी रश्मिकाने कन्नड अभिनेता रक्षित शेट्टीसोबतचा आपला साखरपुडा तोडला. दरम्यान रश्मिका आणि विजय यांच्या मैत्रीचं रुपांतर प्रेमात झालं. विजय आणि रश्मिका फेब्रुवारीत लग्नबंधनात अडकणार असल्याचा अंदाज आहे.