हा व्हिडिओ वर्ष २०१२-१३ मधील असून एका डिझायनर शूज ब्रँडसाठी शूट करण्यात आलेला होता. जाहिरातीची सुरुवात एका रेस्टॉरंटमध्ये होते, जिथे विराट आपल्या मित्रांसोबत बसलेला असतो. दुसरीकडे, तमन्ना भाटिया एकटीच फोनवर बोलत असते. पुढे जे घडतं ते खूपच मजेदार आहे. एक मुलगा तमन्नाकडे येतो आणि तिला इम्प्रेस करण्याचा प्रयत्न करतो. पण तमन्ना त्याला जोरदार कानाखाली मारते. हे पाहून तिथे असलेला प्रत्येकजण थक्क होतो.
advertisement
यानंतर विराट तिला इम्प्रेस करायला जातो. विराट जाणीवपूर्वक आपला फोन खुर्चीखाली लपवतो आणि "फोन हरवला" असल्याचा अभिनय करतो. तो तमन्नाला विचारतो, "तुम्ही एक कॉल करू शकाल का?" आणि जेव्हा तमन्ना फोन करते, तेव्हा कोहली सहजपणे म्हणतो, “माझ्या फोनमध्ये तुमचा नंबर आहे… डिलीट करू का?” यावर तमन्ना लाजत म्हणते, "ठीक आहे." चाहत्यांना ही छोट्या स्क्रीनवरील केमिस्ट्री फारच गोड वाटतेय.
Got this very old Celkon Mobiles ad featuring Tamannaah and Virat.
आता पुन्हा एकदा हा व्हिडिओ व्हायरल होत आहे आणि नेटिझन्सच्या प्रतिक्रियाही मजेदार आहेत. एक युजर म्हणतो, “कोहलीची स्क्रीन प्रेझेन्स काही नेपोटिझम स्टार्सपेक्षा खूपच चांगली आहे.” दुसरा लिहितो, “कोहलीने जर अभिनय सुरू केला तर त्याला थिएटरमध्ये पैसे देऊन बघेन!”
या जाहिरातीनंतर त्या काळात विराट आणि तमन्नाच्या अफेअरच्या चर्चा देखील रंगल्या होत्या, मात्र दोघांपैकी कोणीही यावर कोणतेही भाष्य केले नाही. या जाहिरातीनंतर पुढे विराटने अनुष्का शर्मासोबत एका 'शॅम्पू अ‍ॅड'मध्ये काम केलं, जिथे त्यांची खरी प्रेमकहाणी सुरू झाली.