TRENDING:
१६ डिसेंबर म्हणजेच 'विजय दिवसा'च्या मुहूर्तावर या चित्रपटाचे टीझर लाँच होणार आहे. १९७१ च्या युद्धात भारताने मिळवलेल्या ऐतिहासिक विजयाचा हा दिवस आहे, आणि याच दिवशी दुपारी १:३० वाजता 'बॉर्डर-२' चा दमदार टीझर रिलीज होणार आहे.
चित्रपटात बॉलिवूडची तगडी स्टारकास्ट
टीझरच्या घोषणेसोबतच, निर्मात्यांनी चित्रपटातील चार प्रमुख हिरोंचा एक शानदार पोस्टरही रिलीज केला आहे. या पोस्टरमध्ये सनी देओल, वरुण धवन, दिलजीत दोसांझ, अहान शेट्टी ही 'बॉर्डर-२' ची चौकडी एकाच फ्रेममध्ये दिसली आहे. या पोस्टरमुळे चित्रपटाची भव्यता, तीव्रता आणि देशभक्तीची भावना अनेक पटीने वाढली आहे.
advertisement
टीझर रिलीजसाठी १६ डिसेंबर या 'विजय दिवसा'ची निवड करण्यामागे एक खास महत्त्व आहे. हा दिवस भारतीय सैनिकांच्या शौर्य आणि त्यागाला श्रद्धांजली अर्पण करतो. त्यामुळे, 'बॉर्डर-२' सारख्या देशभक्तीपर कथानकाची झलक या दिवशी दाखवल्याने, त्याचा प्रभाव अधिक वाढणार आहे.
कधी रिलीज होणार फिल्म?
गुलशन कुमार आणि टी-सीरिजने जे. पी. दत्ता यांच्या जे. पी. फिल्म्सच्या सहकार्याने 'बॉर्डर-२' ची निर्मिती केली आहे. भूषण कुमार, कृष्ण कुमार, जे.पी. दत्ता आणि निधी दत्ता यांच्या भक्कम निर्मिती टीमसोबत अनुराग सिंह यांनी या चित्रपटाचे दिग्दर्शन केले आहे.
भारतीय सैनिकांच्या शौर्याचा वारसा पुढे चालवणाऱ्या या चित्रपटात साहस, देशभक्ती आणि त्यागाचा एक अविस्मरणीय प्रवास पाहायला मिळणार आहे. २३ जानेवारी २०२६ रोजी 'बॉर्डर-२' चित्रपटगृहांमध्ये रिलीज होऊन देशभक्तीची ही ऐतिहासिक गाथा प्रेक्षकांसमोर आणणार आहे!