TRENDING:
शिवसेना शिंदे गट नेत्याची दिवसाढवळ्या हत्या
किरण घोरड हे मामणोली गावात काही कामासाठी आले होते. काम आटोपून ते एका धाब्यावर त्यांच्या सहकाऱ्यांसोबत बसले होते. त्याच वेळी तिथे आणखी एक व्यक्तींचा गट तिथं होता. या गटातील काही व्यक्तींशी किरण यांचे पूर्वीपासून वाद होते. त्यामुळे दोन्ही बाजूंमध्ये वाद पुन्हा सुरू झाला. बोलण वाढत जाऊन परिस्थिती बिघडली आणि सुरु झालेला वाद अचानक मारहाणीपर्यंत पोहोचला. यामध्ये काही व्यक्तींनी किरण यांच्यावर थेट चाकूने हल्ला केला.
advertisement
हा हल्ला अतिशय गंभीर असल्याचे पोलिसांनी सांगितले आहे. हल्लेखोरांनी किरण यांच्या पोटावर, पाठीवर आणि डोक्यावर धारदार हत्याराने वार केले. जखमा गंभीर असल्यामुळे घटनास्थळीच त्यांची प्रकृती बिघडली. धक्कादायक म्हणजे ज्यांनी हा हल्ला केला ते सर्वजण किरण यांचेच ओळखीचे आणि पूर्वीचे मित्र असल्याची माहिती समोर आली आहे.
हत्येमागील कारणांचा पोलिसांकडून शोध!
हत्येची बातमी समजताच गोवेली आणि मामणोली परिसरात तणाव निर्माण झाला. कोणतीही अनपेक्षित घटना घडू नये म्हणून पोलिसांनी रात्रीच अतिरिक्त बंदोबस्त तैनात केला. नागरिकांमध्ये असंतोष वाढला असून लोकांनी तातडीने आरोपींना अटक करण्याची मागणी केली आहे. काही सामाजिक कार्यकर्त्यांनीही पोलीस ठाण्यात भेट देऊन याबाबत कारवाईची मागणी केली.
या प्रकरणातील तपास जलद गतीने सुरू करण्यात आला आहे. पोलीस अधिकारी घटनास्थळी पोहोचले असून आसपासच्या सीसीटीव्ही कॅमेऱ्यांचे फुटेज तपासले जात आहे. त्याशिवाय किरण यांचे अलीकडे कोणकोणाशी संपर्क होता, त्यांच्या मोबाईलचा डेटा, आर्थिक व्यवहार, आणि ज्या व्यक्तींशी त्यांचे तणावाचे संबंध होते अशा सर्व गोष्टींची चौकशी केली जात आहे.
या हत्या प्रकरणामुळे गावकऱ्यांमध्ये संताप असून पोलिसांवर तपासाचा मोठा ताण आला आहे. हत्येमागील नेमके कारण काय, कोणत्या वादातून हा खून झाला आणि हल्ला कोणी व कशासाठी केला, याचा तपास सुरू आहे. पोलिसांच्या अनेक पथकांनी छापेमारी सुरू केली असून पुढील काही तासांत तपासाला अधिक वेग मिळण्याची शक्यता व्यक्त केली जात आहे. आता या प्रकरणाचा उलगडा करण्याचे मोठे आव्हान पोलिसांसमोर आहे