Planks : दिवसाची सुरुवात करा प्लांक व्यायामानं, स्नायू होतील मजबूत, लवचिकताही वाढेल, पाहूया प्लांकचे आणखी फायदे

व्यस्त दिनचर्येमुळे कमी वेळ मिळत असेल, तर या एका मिनिटांच्या व्यायमाचं महत्त्व समजून घ्या. कारण, व्यायाम नसेल तर शरीरात नेहमीच उर्जेचा अभाव असतो आणि अशक्तपणा कायम राहतो.

दररोज सकाळी एक मिनिट प्लँक्स केल्यानं कोअर स्नायू मजबूत होतात, पोटाची चरबी कमी होते, शरीराचं संतुलन सुधारतं, पाठ, खांदे आणि हात मजबूत होतात, मूड सुधारतो आणि लवचिकता वाढते, ज्यामुळे एकूणच फिटनेस सुधारतो आणि शरीराचं टोनिंग होतं. ताण कमी करण्यासाठीही या व्यायामाची मदत होते.

advertisement

Skin Care : चमकदार त्वचेसाठी चार गोष्टी लक्षात ठेवा, वाचा आहारतज्ज्ञांच्या टिप्स

कोअर स्नायूंची बळकटी - प्लँकमुळे पोटाचे स्नायू, पाठ आणि कंबरेचे स्नायू मजबूत करायला मदत होते, यामुळे शरीरासाठी मजबूत पाया तयार होतो.

पोटाची चरबी - पोटाची चरबी कमी करण्यासाठी आणि पोट घट्ट करण्यासाठी हा व्यायाम खूप प्रभावी आहे.

सुधारित पोश्चर - यामुळे तुमचं पोश्चर सुधारतं आणि मणक्याला आधार मिळतो, जास्त वेळ बसल्यामुळे होणाऱ्या वेदना कमी करण्यासाठी यामुळे मदत होते.

मूड आणि ताण - प्लँक्समुळे एंडोर्फिन संप्रेरक रिलीज होतं, यामुळे मूड सुधारतो आणि ताण आणि चिंता कमी करायला मदत होते.

लवचिकता आणि संतुलन - हॅमस्ट्रिंग्ज म्हणजे मांडीचा मागचा भाग आणि पाय चांगले ताणले जातात, ज्यामुळे लवचिकता आणि संतुलन सुधारायला मदत होते.

Weight loss drink : झटपट पटापट बनवा वेट लॉस ड्रिंक, पोट होईल कमी, वाटेल फ्रेश

एक मिनिटाच्या प्लँकमुळे किती कॅलरीज बर्न होतात ?

सरासरी, एक मिनिटाच्या प्लँकमुळे शरीराचं वजन आणि स्नायूंच्या सक्रियतेवर अवलंबून दोन ते पाच कॅलरीज बर्न होतात. जड व्यक्तींना स्वतःला स्थिर ठेवण्यासाठी जास्त उर्जेची आवश्यकता असते, म्हणून ते जास्त कॅलरीज बर्न करतात. उदाहरणार्थ, 68 किलो वजनाची व्यक्ती प्रति मिनिट सुमारे तीन कॅलरीज बर्न करते. 84 किलो वजनाची व्यक्ती प्रति मिनिट सुमारे 4 ते 5 कॅलरीज बर्न करते. 'प्लँक जॅक' किंवा 'माउंटन क्लाइंबर्स' सारखे डायनॅमिक प्लँक्स नियमित प्लँक्सपेक्षा जास्त कॅलरीज बर्न करतात.