Early dinner : रात्री लवकर जेवण्याचे फायदे, वजन होईल कमी, तब्येत राहिल चांगली, वाचा सविस्तर

रात्रीचं जेवण लवकर केल्यानं शरीराला झोपण्यापूर्वी अन्न पचवण्यासाठी पुरेसा वेळ मिळतो. रात्री उशिरा जेवल्यानं अपचन, आम्लपित्त आणि छातीत जळजळ होऊ शकते. संध्याकाळी सहा ते आठच्या दरम्यान रात्रीचं जेवण केल्यानं पाचक एंजाइम सक्रिय राहतात आणि अन्न सहज पचतं.

Decoction: सर्दी-खोकला झालाय ? या काढ्यानं मिळेल आराम, वाचा योगगुरुंचा सल्ला

रात्रीचं जेवण लवकर खाण्याची सवय आरोग्यासाठी खूप फायदेशीर ठरू शकते. यामुळे शरीरात चांगले बदल दिसू शकतात. संध्याकाळी सहा ते आठच्या दरम्यान रात्रीचं जेवण करण्याचे फायदे जाणून घेऊया.

advertisement

झोपेची गुणवत्ता सुधारते - रात्री झोपण्यापूर्वी दोन-तीन तास ​​आधी जेवण केल्यानं शरीराला विश्रांती मिळते. यामुळे शरीर रात्रभरात अंतर्गत दुरुस्तीवर करतं. उशिरा जेवल्यानं शरीर अन्न पचवण्यात व्यस्त होऊ शकतं, ज्यामुळे झोपेत व्यत्यय येऊ शकतो आणि निद्रानाश होऊ शकतो.

वजन नियंत्रित करण्यास मदत - संध्याकाळी लवकर जेवण केल्यानं इन्सुलिन संवेदनशीलता सुधारते आणि चयापचय वेग सुधारतो. म्हणून, रात्रीचे जेवण लवकर खाल्ल्यानं वजन नियंत्रित करण्यास मदत होते.

संप्रेरक संतुलन - रात्री सहा ते आठच्या दरम्यान रात्रीचं जेवण केल्यानं मेलाटोनिन आणि कॉर्टिसोलसारखे संप्रेरक संतुलित होतात. यामुळे शरीराची सर्कॅडियन लय राखण्यास मदत होते, ज्याचा ऊर्जेच्या पातळीवर आणि मूडवर सकारात्मक परिणाम होतो.

Alarm Clock: दिवसाची सुरुवात अलार्म क्लॉकच्या आवाजानं होते? ही माहिती जरुर वाचा

रक्तातील साखर नियंत्रण - रात्रीचं जेवण लवकर केल्यानं संपूर्ण रात्र रक्तातील साखरेची पातळी स्थिर राहण्यास मदत होते. मधुमेह किंवा प्रीडायबिटीस असलेल्यांसाठी हे विशेषतः फायदेशीर आहे. रात्री उशिरा जेवल्यानं जागं झाल्यावर रक्तातील साखरेची पातळी वाढू शकते.

हृदयाचं आरोग्य सुधारतं - रात्रीचं जेवण नियमितपणे लवकर केल्यानं कोलेस्टेरॉलची पातळी आणि रक्तदाबावर सकारात्मक परिणाम होतो. यामुळे हृदयरोगाचा धोका कमी होण्यास मदत होऊ शकते.

सहा ते आठच्या दरम्यान रात्रीचं जेवण करणं फायदेशीर असलं तरी, जेवण हलकं आणि पौष्टिक असणं देखील महत्त्वाचं आहे. जड, तळलेले किंवा मसालेदार पदार्थ टाळा. तसंच, रात्रीच्या जेवणानंतर थोडं फिरणं पचनव्यवस्थेसाठी फायदेशीर आहे.