कोल्हापूरकर प्रतीक कांबळे हा रांगोळी कलाकार आहे. तो अतिशय सुंदर फ्रिस्टाईल रांगोळ्या काढतो. यामध्ये संस्कार भारती रांगोळी, स्प्रेड रांगोळी, चाळणीचा वापर करून काढलेली रांगोळी अशा अनेक पद्धतीच्या रांगोळ्या तो काढत असतो. या रांगोळी काढताना वापरलेली रंगसंगती आणि मुक्त पद्धतीने वापरलेली कला यामुळे या सर्व रांगोळ्या अत्यंत सुंदर आणि आकर्षक दिसतात. दिवाळीनिमित्त अशी सुंदर रांगोळी आपल्याही दारात असावी असे प्रत्येकाला वाटू शकते. त्यामुळेच प्रतिकने सोप्या पद्धतीने अशी सुंदर रांगोळी काढण्याची युक्ती सांगितलेली आहे.
advertisement
फक्त चाळणीचा वापर करून काढा आकर्षक रांगोळी, पाहा दिवाळी स्पेशल टिप्स
अशी काढा मोराची रांगोळी
खरंतर नक्षीदार मोर हे बऱ्याच ठिकाणी आपण पाहत असतो. मात्र असे मोर हे रांगोळीच्या स्वरूपात जमिनीवर काढणे तितकेच अवघड देखील असते. त्यामुळेच आपल्याला शक्य तितक्या प्रकारे आपण मोराची नक्षी काढण्याचा प्रयत्न करावा. सुरुवातीला साधारण वर्तुळाकार पद्धतीने आपल्याला हव्या असणाऱ्या रंगात मोराचे शरीर काढण्यासाठी रांगोळी पसरुन घ्यावी. मोराचा सुंदर असा पिसारा काढण्यासाठी एकाच ठिकाणी वेगवेगळ्या रंगांची रांगोळी गोळा करून एका ठिकाणी ठेवावी आणि आपल्या हाताने सारवल्याप्रमाणे एका झटक्यात ती पसरावी. नंतर मोराचे डोळे, चोच आणि शरीराच्या बाजूने हाताने बॉर्डर काढून घ्यावी. त्यानंतर अजूनही जमेल ती नक्षी आपण मोराच्या बाजूने काढू शकतो, असे प्रतिकने सांगितले आहे.
दिवाळीत अंगण दिसेल खास, 2 मिनिटांत काढा ही सुंदर रांगोळी, Video
दरम्यान, रांगोळी काढणे ही एक कला असून प्रत्येकाला अगदी छान रांगोळी जमेलच असे नाही. त्यामुळे आपण ज्या पद्धतीने सोपी आणि सुंदर रांगोळी काढू शकतो, तशा पद्धतीने रांगोळी काढण्याचा आनंद सणउत्सवाच्या काळात लुटायला हवा. अगदी सोप्या पद्धतीनं आपण आकर्षक मोराची रांगोळी काढू शकता.