Face Care : ब्लॅकहेड्स काढण्यासाठी घरगुती उपाय, चेहरा दिसेल स्वच्छ, तुकतुकीत

ब्लॅकहेड्स काढले की, चेहरा स्वच्छ, मऊ राहतो. चेहऱ्यावरचे ब्लॅकहेड्स सहज काढून टाकण्यासाठी काही घरगुती उपायांविषयीची ही माहिती. मुख्य म्हणजे यामधे घरी सहज उपलब्ध असलेल्या घटकांचा वापर करता येतो.

Skin Care: कोरड्या हवेतही त्वचा राहिल मुलायम, या टिप्सचा वापर करुन पाहा

मध आणि लिंबू - ब्लॅकहेड्स दूर करण्यासाठी मध आणि लिंबू वापरू शकता. एक चमचा मधात काही थेंब लिंबाचा रस मिसळा आणि पेस्ट बनवा. ही पेस्ट नाकाला लावा, हलक्या हातानं मसाज करा आणि पाच ते सात मिनिटांनी स्वच्छ धुवा. हे नियमितपणे केलं तर त्याचे लवकरच परिणाम दिसून येतील. सायट्रिक आम्ल आणि अँटीबॅक्टेरियल गुणधर्मांमुळे चेहऱ्यावरची छिद्रं साफ करण्यास मदत होते, ब्लॅकहेड्स लवकर काढून टाकता येतात.

advertisement

बेकिंग सोडा आणि पाणी - ब्लॅकहेड्स काढण्यासाठी बेकिंग सोडा खूप प्रभावी ठरू शकतो. हे करण्यासाठी, दोन चमचे बेकिंग सोडा पाण्यात मिसळा आणि पेस्ट बनवा. ही पेस्ट नाकावर किमान दहा ते पंधरा मिनिटं तसंच ठेवा आणि नंतर धुवा. या उपायानं काही दिवसांतच फरक दिसून येईल.

Dry Fruits: थंडीत सुकामेवा खाताय ? या महत्त्वाच्या गोष्टी नक्की लक्षात ठेवा

हळद आणि खोबरेल तेल - ब्लॅकहेड्स काढण्यासाठी, हळद आणि खोबरेल तेल लावू शकता. या दोन्हीची पेस्ट बनवून नाकाला लावा. पंधरा मिनिटांनी धुवा. यात असलेले अँटीऑक्सिडंट्स ब्लॅकहेड्स काढून टाकण्यासाठी उपयुक्त आहेत.

स्टीम - ब्लॅकहेड्स काढण्यासाठी, आठवड्यातून किमान एक - दोन वेळा वाफ घ्यावी. यामुळे नाकावरची छिद्र मोकळी होतात आणि घाण बाहेर पडते. काही मिनिटांत ब्लॅकहेड्स काढून टाकण्यासाठी हा उपाय खूप प्रभावी मानला जातो.