TRENDING:
भेगांमुळे पाय दुखण्याचा त्रास महिलांना सर्वाधिक होतो. कधीकधी तीव्र वेदनांमुळे चालणं देखील कठीण होतं.
टाचांमध्ये तीव्र वेदना होणं म्हणजे प्रत्येक पाऊल टाकणं कठीण होतं.
थंडीत भेगा पडणं, त्यामुळे टाचा दुखणं हा त्रास तुम्हाला नेहमी जाणवत असेल तर ही माहिती तुमच्यासाठी उपयुक्त आहे. घरी योग्य काळजी घेतली तर टाचांना भेगा पडण्याचं प्रमाण कमी होऊ शकतं. यासाठी सौंदर्यतज्ज्ञ शहनाज हुसेन यांनी दिलेल्या टिप्स महत्त्वाच्या आहेत.
advertisement
Hair Care : मऊशार केसांसाठी आयुर्वेदिक हेअरमास्क, केसांच्या वाढीसाठी उत्तम उपाय
कोमट पाण्यात एक ते दोन चमचे मध मिसळा. या पाण्यात पाय अर्धा तास बुडवा. मध हे एक नैसर्गिक मॉइश्चरायझर आहे आणि यामुळे त्वचा मऊ करण्यास मदत होते. अर्ध्या तासानंतर, पाय काढा आणि मऊ फूट स्क्रबर किंवा प्युमिस स्टोननं हळूवारपणे घासून घ्या.
तळवे घासताना जास्त जोर लावू नका कारण यामुळे त्वचा आणखी फाटू शकते. स्क्रबिंग केल्यानंतर, पाय कोरडे करा आणि भेगा पडलेल्या टाचांना थोडं कोमट ऑलिव्ह ऑइल लावा. ऑलिव्ह ऑइलमुळे त्वचेला खोलवर पोषण मिळतं आणि भेगा कमी होतात.
Lip Balm : हिवाळ्यासाठी घरी बनवा लिप बाम, कोरडे ओठ होतील मुलायम
तेल लावल्यानंतर, कॉटनचे मोजे घालून झोपा. यामुळे बेडशीटवर तेलाचा डाग पडणार नाही आणि तेल रात्रभर त्वचेत शोषलं जाईल. टाचांना भेगा पडू नयेत म्हणून, दररोज ही काळजी घेणं आवश्यक आहे.
पायांना दररोज मॉइश्चरायझर लावा. चप्पल किंवा सँडल घालणं टाळा. त्याऐवजी, धूळ आणि कोरड्या हवेपासून पायांचं रक्षण करण्यासाठी मोजे आणि बूट घाला. या उपायांनंतरही भेगांचं प्रमाण कमी झालं नाही तर त्वचारोग तज्ञांचा सल्ला अवश्य घ्या.