TRENDING:
घावन बनवण्यासाठी साहित्य
बाजरीचे घावन तुम्ही अगदी मोजक्या आणि घरी उपलब्ध असणाऱ्या साहित्यात बनवू शकता. यामध्ये तुम्हाला जेवढी घावन बनवायची आहेत त्यानुसार बाजरीचे पीठ, बेसन, मीठ आणि भाजण्यासाठी तेल घ्यावे.
Popti Recipe: थर्टी फर्स्टला घरीच बनवा मडक्यामध्ये गावरान पोपटी, रेसिपी खास Video
बाजरीचे घावन बनवण्याची कृती
बाजरीचे घावन बनवण्यासाठी सुरुवातीला एका मोठ्या बाउलमध्ये एक बाउल बाजरीचे पीठ आणि अर्धा बाउल बेसन नीट मिसळावे. त्यात चवीनुसार मीठ आणि सोडा घालून हळूहळू पाणी टाकून गुळगुळीत आणि जाडसर बॅटर तयार करावे. बॅटर तयार झाल्यानंतर त्याला 10 मिनिटे मुरण्यासाठी ठेवावे.
advertisement
आपला तवा किंवा पॅन चांगला गरम करून त्यावर एक टेबलस्पून तेल पसरवावे. मोठ्या आचेवर पळीने बॅटर घालून घावन तयार करावा. दोन-तीन मिनिटांनी बाजूने थोडे तेल टाकून घावन पॅनमधून सोडवून घ्या आणि नंतर पलटी करून दुसऱ्या बाजूने देखील सोनेरी भाजा. तयार घावन बटाट्याची भाजी आणि चटणीसह खाण्यासाठी तयार आहे.
दरम्यान, तुम्ही देखील अगदी सोपी आणि पौष्टिक रेसिपी घरीच बनवू शकता. थंडीच्या दिवसांत हे घावन आरोग्यासाठी देखील लाभदायी ठरते.