TRENDING:
पंचामृत म्हणजे आपल्या परीने गोड आणि कारलं म्हणजे कडू... मग कडू कारल्याचं पंचामृत कसं काय बनवायचं? कसं लागेल? असे कित्येक प्रश्न तुम्हाला पडले असतील. आता कारल्याचं पंचामृत बनतं तरी कसं हे पाहण्याची, जाणून घेण्याची उत्सुकताही तुम्हाला असेल.
advertisement
साहित्य
बारीक कापलेले कारलं - अर्धा वाटी
तेल - 2 चमचे
मोहरी - अर्धा चमचा
बारीक चिरलेली हिरवी मिरची - 5-6
कढीपत्ता
हिंग - पाव चमचा
हळद - पाव चमचा
भिजवलेले शेंगदाणे - 2
भिजवलेले काजू - 7-8
खोबऱ्याचा किस - 2 चमचे
चिंचेचे पाणी - अर्धा ते पाऊण वाटी
चिंचेचं पाणी - 3/4 कप
गूळ - 2 चमचे
मीठ - चवीनुसार
कृती
चिंचेत पाणी टाकून भिजत ठेवा. घाई असेल तर चिंच गरम पाण्यात भिजवा. चिंच भिजायला अर्धा तास लागेल. तोपर्यंत पाव किलो कारली घ्या. ती मधून कापा, त्यातील बिया काढा आणि आडव्या बारीक चकत्या करून घ्या. आता या कारल्याला मीठ लावून 10 मिनिटं ठेवा. यामुळे त्याला पाणी सुटेल आणि कवडटपणा कमी होईल. 10 मिनिटांनंतर कारली पिळून घ्या.
Garlic Recipe Video : लसूण चटणी नेहमीच खाता ओ, आता ट्राय लसणीचा भुरका
गॅसवर कढई गरम करा. त्यात तेल घ्या. तेल तापलं की त्यात अर्धा चमचा मोहरी घाला. मोहरी तडतडली की अर्धा चमचा जिरं, अर्धा चमचा हिंग, पाव चमचा हळद आणि चिरलेली कारली टाकून सगळं नीट मिक्स करून कारली परतून घ्या. झाकण ठेवून २-३ वाफा काढा. कारली फक्त वाफेवरच शिजवायची आहे. दोन-तीन वेळा ढवळून झाल्यानंतर कारलं थोडं आळेल.
आता यात चिंचेचा कोळ घालून नीट ढवळून घ्या. त्यानंतर त्यात भाजलेल्या तिळाचं कूट, भाजलेल्या शेंगदाण्याचं कूट, सुकं खोबरं थोडं वाटून किंवा कूट करून घाला. आता ढवळून घ्या. कोरडं झालं असेल तर आता त्यात थोडं पाणी घाला. चिरलेला गूळ घाला. पाणी असल्याने गूळ त्यात विरघळेल. आता मीठ घाला. मीठ बेतानेच घाला कारण कारल्यात मीठ घातलेलं होतं. लाल मिरची पावडर घाला. तिखटाचं प्रमाण आवडीनुसार कमी-जास्त करा. आता उकळी येईपर्यंत शिजवा. कारल्याचं पंचामृत तयार आहे.
Smita Oak vlogs युट्युब चॅनेलवर हा व्हिडीओ पोस्ट करण्यात आला आहे. तुम्ही कधी कारल्याचं पंचामृत टेस्ट केलं होतं का? नाहीतर ही रेसिपी ट्राय करा आणि कसं झालं आम्हाला आमच्या सोशल मीडियाच्या कमेंट बॉक्समध्ये नक्की सांगा.