TRENDING:
पंजिरी खास हिवाळ्यासाठी रेसिपी. यामुळे इम्युनिटी वाढते असं सांगितलं जातं. इम्युनिटी वाढली की आपसूकच आजारांशी लढण्याची ताकद मिळते. आता ही पंजिरी काय, ती कशी बनवायची, त्यासाठी काय काय साहित्य लागतं पाहुयात.
साहित्य
तूप, रवा, गूळ, पाणी
काजू, बदाम, अक्रोड, सुकं खोबरं
टरबूजच्या बिया, भोपळ्याच्या बिया, फ्लॅक्ससीड्स
मणुका, मखाना, बडिशेप
कृती
advertisement
एका पॅनमध्ये तूप गरम करा, त्यात काजू, बदाम, अक्रोड, सुक्या खोबऱ्याचे काप 2-3 मिनिटं परतून घ्या. ते ताटात काढून घ्या. यात याच पॅनमध्ये तूप असेल तर ठिक नाही तर दुसरं तूप घ्या आणि त्यात मनुके फुलेपर्यंत परता. ते ताटात काढून घ्या. आता यात पॅनमध्ये तुपात टरबूज, भोपळ्याच्या बिया आणि फ्लॅक्ससीड्स 2 मिनिटं परतून ते काढून घ्या. आता यात मखाना ब्राऊन होईपर्यंत 7-8 मिनिटं भाजून घ्या.
Karla Recipe Video : पंचामृत तेही कारल्याचं; एक वेगळीच पारंपारिक रेसिपी
आता तुपात रवा खरपूस होईपर्यंत 7-8 मिनिटं भाजा. आता मणुका सोडून इतर भाजलेल्या सगळ्या वस्तू जशा भाजल्या आहेत तशाच मिक्सरमध्ये वाटून घ्या. फक्त डिंक वाटताना त्यात बडिशेप टाका. सगळं मिक्स करा.
आता पॅनमध्ये गूळ घेऊन त्यात पाणी टाकून गूळ वितळेपर्यंत परता. हे वितळलेलं गूळ मिक्स केलेल्या मिश्रणात टाकून पुन्हा नीट एकत्र करून घ्या. ही पंजिरी तयार.
व्हिडीओ पोस्ट करताना दिलेल्या माहितीनुसार मंजिरी ही थंडीत रोगप्रतिकारक शक्ती वाढवण्यासाठी बेस्ट आहे. एका हवाबंद डब्यात भरून तुम्ही 2 महिन्यांपर्यंत ती ठेवू शकता.
युट्युब चॅनेलवर पंजिरी रेसिपीचा व्हिडीओ पोस्ट करण्यात आला आहे. तुम्ही पंजिरी कधी खाल्ली होती का? बनवली होती का? नाही तर करून पाहा आणि कशी झाली आम्हाला आमच्या सोशल मीडियाच्या कमेंट बॉक्समध्ये नक्की सांगा.